यसरी दिइयो अस्ताउँदो सूर्यलाई घरबाटै अर्घ (फोटो फिचर)

alt
  • मंसिर ५, २०७७
  • अनिल श्रेष्ठ

विराटनगर । पवित्र छठ पर्वको रूपमा मनाइने यस वर्षको छठको मुख्य दिन ब्रतालुहरूले शुक्रबार अस्ताउँदो सूर्यलाइ अर्घ दिएका छन् । भोली शनिबार उदाउँदो बिहानी सर्यूलाई अर्घ दिएर यो पर्व समापन हुने गर्दछ ।

22

यस पटक कतिपयले घरमा त कतिपयले नहर, जलाशय तथा नदीमा छठ मनाउँदैछन् । विगत वर्षहरुमा झकिझकाउ हुने नहर, नदी तथा जलाशयहरु यस वर्षमा भने त्यति उत्साहजनक छैन । कोरोना महामारीका कारण सरकारले संक्रमणको जोखिम हुने भन्दै घरघरमै पोखरी बनाएर व्यक्तिगत ढंगले छठ पर्व मनाउन आग्रह गरेको छ ।

23 1

जस अनुसार कतिपय सर्वसाधरणले आफ्नो घरआँगन र सार्वजानिक स्थलमा पोखरी बनाएर सामूहिक छठ मनाउँदैछन् । विगतमा नहर तथा नदीमा छठ मनाउँदै आएका विराटनगर महानगरपालिका प्रमुख भिम पराजुलीले यस पटक घरमै सानो पोखरी खनेर अस्ताउँदो सूर्यलाई अर्घ दिएका छन् ।

25 1

अर्घ दिनु अगाडी प्रमुख पराजुलीले विराटनगर ३ स्थित घरदेखि करिब १ सय मिटरमा रहेको पोखरीसम्म शरीरलाई भुईमा राखेर दण्डप्रणाम गरेका छन् । यो सँगै पराजुलीले छठमा दण्डप्रणाम गरेको १८ औं पटक पुगेको छ ।

धमकर्मप्रति विश्वास राख्ने पराजुली विराटनगरको मेयर भएपछि नगरबासीको शान्ति, सुरक्षा, सुख र समृद्धिको कामना गर्दै छठको ब्रत लिएको बताए ।

26 1

विराटनगरस्थित केशलिया खोला, सिंघीया खोला, सुनसरी मोरङ सिंचाई आयोजनाको नहरमा केही सर्वसाधरणले फाट्ट फुट्ट घाट निर्माण गरेर छठ मनाउने तयारीमा जुटेको देख्न सकिन्छ ।

निराहार व्रत बसेका ब्रतालुहरुले अस्ताउँदै गरेको सूर्यको पूजा गरेका छन् । पर्वको दोश्रो दिन व्रतालुहरु दिनभरि उपवासबसेका थिए । निराहार व्रत बसेका ब्रतालुहरूले अस्ताउँदै गरेको सूर्यको पूजा गरेका थिए ।

28 1

छठ पर्वमा व्रत गरे दुःख र दरिद्रताबाट मुक्ति पाइन्छ भन्ने जनविश्वास छ । यसमा झुप्पा–झुप्पा फलहरू चढाउँदा सूर्य देवता प्रसन्न भई व्रतालुका कुटुम्बसहित सबै सन्तानको भलो हुन्छ भन्ने मान्यता पाइन्छ ।

यस पर्वमा जो व्रत बस्न सक्दैन उसले अर्को व्रत गर्नेबाट व्रत गराउने गर्छन् । आर्थिक अभाव भएका मानिसहरु भिक्षा मागेरै भए पनि यो पर्व मनाउने गर्छन् ।

 

स्कुलबाट मटर बरामद ...

भण्टाबारी/ सुनसरी प्रहरीले एक बोर्डिङ स्कुलमा छापा मारी ...

स्वदेशी सुन्तलालाई क ...

धरान/ बेस्वादिला भए पनि विदेशबाट आयात गरिएका सुन्तला आक ...

बलात्कारसम्बन्धी नया ...

आइतबारको मन्त्रिपरिषद् निर्णयले बलात्कारसम्बन्धी अध्याद ...

आजको राशिफल, मङ्सिर ...

श्री शालिवाहनीय शाके १९४२, ने. सं. ११४०, वि.सं. २०७७ सा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved