१७ वर्षदेखि अभ्यासरत राजाविहीन प्रजातन्त्रको उपयोगिता छैन- कमल थापा

जिल्लासँग समन्वय गर्न सात वटा क्षेत्रीय स्तरका समन्वय समिति गठन गरिएको छ । तदअनुरुप सोही सात वटा क्षेत्रमा भेला तथा प्रशिक्षण गर्ने पार्टीको कार्यक्रम थियो । यसअघि पूर्वान्चल क्षेत्रबाहेक सबै क्षेत्रको भेला तथा प्रशिक्षण सम्पन्न भइसकेको छ । यो क्षेत्रीयस्तरको अन्तिम प्रशिक्षणका निमित्त हामी इटहरीमा भेला भएका छौं ।

पूर्वान्चल क्षेत्रका सबै जिल्लाहरुको यस प्रशिक्षणमा सहभागिता रहने छ । यो प्रशिक्षणमा हामी पार्टीको राजनीतिक, वैचारिक विषयका साथै समसामयिक राजनीतिक परिस्थिति र पार्टीको भावी कार्यदिशाका बारेमा पार्टीका विभिन्न तहका साथीहरुलाई अवगत गराउने छौं ।

प्रशिक्षणमा यो क्षेत्रका केन्द्रीय कार्यसमितिका पदाधिकारी तथा सदस्यहरू, जिल्ला अध्यक्षहरु र नगरका अध्यक्षहरुको उपस्थिति रहनेछ ।

देशको वर्तमान अवस्थाको सम्बन्धमा म व्याख्या नगरीकन सूत्रबद्ध रुपले राख्न चाहान्छु ।

यो विकल्प स्थापित गर्ने तर सहमति र सहकार्य तत्काल सम्भव नदेखिएको कारणले गर्दा आन्दोलन अपरिहार्य रहेको पार्टीको निष्कर्ष रहेको छ । तर केवल एउटा पार्टीले मात्र आन्दोलन गरेर यो लक्ष्य प्राप्ति गर्न सकिदैन । यसर्थ समान विचारधारा भएका राष्ट्रवादी, देशभक्त, प्रजातन्त्रवादी, हिन्दुवादी, राजतन्त्रवादी सबै एक ठाउँमा उभिएर राष्ट्रिय मोर्चा निर्माण गर्नुपर्छ भन्ने हाम्रो पार्टीको स्पष्ट धारणा रहेको छ ।

यही धारणाअनुरुप अहिले हामी तयारी गरिरहेका छौं । मोर्चा निर्माणको प्रयास गरिरहेका छौं । मैले पत्र्कार साथीहरूलाई सक्षेपमा पार्टीको निष्कर्ष र आगामी कार्यदिशाका बारेमा जानकारी गराएँ ।

एकातिर सर्वसाधारण सामान्य जीविकोपार्जन समेत गर्न सकेका छैनन् । देशभित्र रोजगारीको अवसर छैन । भ्रष्ट साशक र भ्रष्ट व्यवस्थाप्रति जनताको भरोसा टुटिसकेको छ । यही भरोसा टुटेको कारणले गर्दा लाखौं युवाहरु देश छाडेर विदेश पलायन भइरहेका छन् । अहिले पछिल्लो कालखण्डमा त राज्य सरकार र दलप्रतिको वितृष्णाले गर्दा देशै छोडेर जाने प्रवृति पनि व्यापक रुपले बढिरहेको छ ।

अर्कोतर्फ धर्म निरपेक्षताको आडमा सङ्गठित रुपमा नेपालको धर्म सस्कृतिलाई कमजोर बनाउने विस्थापित गर्ने र विदेशी धर्म सस्कृति, परम्परा स्थापित गर्ने कार्य भइराखेको छ । धर्म परिवर्तनको डढेलोले हाम्रो राष्ट्रको पहिचान र एकताको आधार नै कमजोर भएको छ ।

यसैगरी ०६३ सालयता नेपालमा बाह्य शक्तिको चलखेल तीव्ररुपमा बढेर गएको छ । नेपालका प्रमुख भनिने दल र नेताहरुले राज्यहीत र स्वार्थको सट्टा विदेशीको हित र स्वार्थ सम्बर्धन गर्ने गोटीका रुपमा प्रयोग भइराखेका छन् ।

अर्थतन्त्र दिनप्रतिदिन धरासायी हुँदै गइरहेको छ । लघुवित्त, सहकारी र बैंकको ऋणले गर्दाखेरी आमजनता आक्रान्त भएका छन् । लाखौं जनता घरबारविहीन हुने खतरा देखिइरहेको छ । यी स्बै कुरातर्फ सरकारले ध्यान दिइरहेको छैन । त्यही कारण गर्दा यो भ्रष्ट साशक र भ्रष्ट व्यवस्थाबाट देशलाई मूक्त तुल्याउन अब आन्दोलनबाहेक अन्य कुनै विकल्प छैन भन्ने हाम्रो निष्कर्ष हो ।

यही कारणले गर्दा हामी एक ठाउँ उभिनु पर्छ भनेर हामीले राप्रपा, दुर्गा प्रसाईजी लगायतका व्यक्ति र अन्य समूहसँग पनि सम्वाद गरिराखेका छौं । र, म आशावादी छु कि यो संवादले सार्थकता पाउने छ । र, हामीले वृहद मोर्चा निर्माण गरेर अघि बढ्न सक्छौं भन्ने मलाई लागेको छ ।

- विगतका त्रुटि कमिकमजोरीबाट हामीले पाठ सिकेका छौं । हिन्दू राष्ट्र र राजसस्थाको एजेण्डा बोकेको पार्टी पटकपटक सरकारका गएको जुनसुकै सरकारमा पनि सहभागी भएको जनताले चित्त बुझाएनन् । हाम्रा सहयोगी शुभचिन्तकहरुले चित्त बुझाएनन् । यो वास्तविकतालाई दृष्टिगत गर्दै विगतका कमिकमजोरी र त्रुटिबाट पाठ सिकेर हामीले सत्ता केन्द्रित होइन । सिद्धान्त केन्द्रित पार्टी निर्माण गर्नुपर्दछ । हिन्दू राष्ट्र र राजसस्था पुनर्स्थापित हुने सुनिश्चित नभइकन सरकारमा जानुहुदैन भन्ने मान्यता कायम रहनुपर्छ भन्ने हाम्रो पार्टीको धारणा छ । र, अहिले जुन किसिमबाट जनतामा असन्तुष्टि, आक्रोश प्रमुख राजनीतिक दल र नेताप्रति वितृष्णा देखिएको छ, यो अवस्थामा सबै राष्ट्रवादी शक्ति एक ठाँउमा आउने हो भने परिवर्तन असम्भव छैन ।

र, हामीले फेरि राजसस्थालाई पुनर्स्थापित गर्ने भनेर प्रजातन्त्रलाई कमजोर बनाउन खोजेको होइन । अहिले गणतन्त्रका संवाहकहरु स्वयम् प्रधानमन्त्रीले नै भनिराख्नु भएको छ, फेरि प्रतिगामीहरु सलबलाउन थाले । निरङ्कुश व्यवस्था स्थापित गर्ने प्रयास भइराखेको छ । लोकतन्त्रलाई समाप्त गर्ने कार्य भइराखेको छ भन्ने आरोपहरु लगाइराख्नु भएको छ । यो आरोपमा कुनै सत्यता छैन । यो भ्रमबाट मूक्त हुनका निमित्त सम्पूर्ण देशवासीलाई आग्रह गर्न पनि चाहान्छु ।

त्यसकारणले गर्दा राजाविहीन प्रजातन्त्र होइन, राजसंस्थासहितको प्रजातन्त्र नेपालको निमित्त उपयुक्त हुन्छ भन्ने हाम्रो धारणा हो । वास्तवमा अहिले हाम्रो प्रयासबाट भन्दा पनि गणतन्त्रभित्रको अन्तरविरोध राजनीतिक दलहरुले अवलम्वन गरेको गलत मार्गचित्रको कारणले गर्दा नै गणतन्त्र मक्किंदै गएको छ, धरासयी हुँदै गएको छ ।

यो अवस्थामा जबरजस्ती सङ्घीय गणतन्त्रलाई कायम राख्नु भनेको देशलाई थप दुर्घटनातर्फ अग्रसर गराउनु हो । सङ्घीयता मुलुकले धान्न सक्दैन भन्ने प्रमाणित भइराखेको छ ।

अहिलेको सङ्घीय संरचना भ्रष्टाचार र राजनीतिक अस्थिरताको अखडा बनेको छ । यो प्रदेश तहको संरचना तत्काल खारेज हुनुपर्छ । यसको कुनै उपयोगिता छैन ।

विगतमा चाहे त्यो भूकम्पका बेलामा होस्, भूकम्पपछिको पुनर्निर्माणका बेलामा होस्, वा कोभिडका बेलामा होस्, केन्द्र र स्थानीय सरकारको प्रभावकारिता रह्यो, यो प्रदेश संरचनाको कुनै भूमिका रहेन । जबकि यो प्रदेश संरचनालाई कायम राख्नका निमित्त राष्ट्रले अर्बौं रुपैयाँको लगानी गरिराखेको छ । यो निरर्थक, बालुवामा पानी हालेको जस्तो भइरहेको छ । त्यसकारण यो प्रदेश संरचना तत्काल खारेज हुनुपर्छ भन्ने हाम्रो धारणा रहेको छ ।

हामीले जुन आन्दोलन गर्न चाहिरहेका छौं, यो आन्दोलन अन्ततगत्वा सहमति र सहकार्यको वातावरण तयार गर्नका निमित्त मद्दत पुर्याउछ भन्ने हामीलाई लाग्छ ।

- हामी एकताप्रति सकारात्मक छौं । तर हाम्रो प्राथमिकता वृहद राष्ट्रिय मोर्चा निर्माण हो ।

- तर दरबार हत्याकाण्डको छानविन गर्नेतर्फ कुनै किसिमको उत्सुकता देखाउनु भएन । र उहाँले त्यसलाई राजनीतिक हतियारको रुपमा प्रयोग गर्न खोजिरहनु भएको छ । यदि प्रधानमन्त्री इमान्दार हुनुहुन्छ भने आफ्नो बोलिमा पक्का हुनुहुन्छ भने चाँडोभन्दा चाँडो निष्पक्ष, उच्चस्तरीय न्यायिक आयोग गठन गरेर छानविन प्रकृया अगाडि बढाउनुहोस् । यो छानविन प्रकृयाबाट उहाँहरुले जुन किसिमको भ्रम सिर्जना गर्न खोजिरहनु भएको छ, त्यसको पनि अन्त हुन्छ भन्ने हामीलाई लाग्छ । तर मलाई लाग्दैन प्रधानमन्त्री प्रचण्डले आफ्नो प्रतिबद्धताअनुसार छानविन समिति अगाडि बढाउनुहुन्छ भन्ने मलाई लाग्दैन । छानविन गराउने उहाँको नियत नै होइन । त्यो केवल भ्रम सिर्जना गर्ने एउटा थप प्रयास हो । त्यसर्थ उहाँसँग हिम्मत छ भने छानविन समिति गठन गर्नुहोस् । र, वास्तविकता छर्लङ्ग पार्नुहोस् । सबैले खोजेकै त्यही हो । भ्रम सिर्जना गरेर, भ्रमको खेती गरेर राजा ज्ञानेन्द्र वा राजसंस्थाप्रति नै लान्छना लगाउने काम बन्द गर्नुहोस् भन्ने आग्रह गर्न चाहान्छु ।