दन्तकाली शक्तिपीठमा फूलपाती भित्र्याइयो

alt
  • कार्तिक ७, २०७७
  • ब्लाष्ट खबर

धरान । धरान–१४ को दन्तकाली शक्तिपीठमा कोरोना महामारीका बीच पनि फूलपाती भित्र्याइएको छ ।

विगत वर्षहरूमा धुमधामका साथ फूलपाती भित्र्याउने गरिए पनि यस वर्ष कोरोना महामारीका कारण औपचारिक विधिमात्रै पूरा गरिएको छ । यस वर्ष शक्तिपीठमा पूजाआजा गर्नका लागि सरकारले रोक लगाएको कारण विधिमात्रै पूरा गरिएको हो ।

विगत वर्षहरूमा नेपाली सेना, सशस्त्र प्रहरी, सर्वसाधारण व्यापक रूपमा भेला भएर फूलपाती भित्र्याउने चलन थियो । परापूर्वकालदेखि नै नवपत्रिका भित्र्याउने गरिएको दन्तकाली गुठी व्यवस्थापन समितिका सचिव विश्वराज खनालले जानकारी दिए । उनका अनुसार यो पटक सामान्य तरिकाले नवपत्रिका भित्र्याइएको छ ।

Dantakali_fulpati_vitraiyo_dharan (1)

तस्बिरहरूः गाेविन्द बस्नेत

यस वर्ष सर्वसाधारणका लागि मन्दिरको प्रवेशद्वार नै बन्द गरिएको छ । विगत वर्षहरूमा भने मुख्य मन्दिरमा मात्रै प्रवेशमा रोक लगाइने गरिएको थियो । जहाँ पुजारी तथा बलिका लागि लगिएका चौपाया मात्रै हुने गर्छन् । पुजारी खनालका अनुसार नवपत्रिकामा अशोक, दारिम, धान्य, बेल, केचु, माने, हरिद्रार (बेसार) जयन्ति, कोलालाई दन्तकालीमा भित्र्याउने गरिएको थियो ।

नवपत्रिका भित्र्याउने परम्पराको सुरुवात भने गोर्खाका राजा पृथ्वीनारायण साहले नेपाल एकीकरण गरेपश्चात गोर्खाबाट सुरु गरिएको हो । त्यो अहिले पनि जारी छ । दन्तकाली शक्तिपीठ प्राग वैदिक कालमै स्थापना भए पनि व्यवस्थित मन्दिर भने २०३५–३६ सालदेखि मात्रै भएको हो ।

दन्तकालीमा सतीदेवीको दन्त (दाँत) पतन भएकाले यसको नाम दन्तकाली राखिएको हो । जुन स्वस्थानी व्रतकथामा पनि उल्लेख छ । दन्तकालीमा तान्त्रिक विधिद्वारा पूजाआरधना गर्ने चलन छ । जहाँ घटस्थापनादेखि बोकाको बलि दिइन्छ भने नवमीको दिन राँगाको बलि दिइन्छ । जुन दैत्य (असुर) महिषासुरको प्रतीकको रूपमा राँगा बलि दिइन्छ ।

यहाँ पूर्वाञ्चलमात्रै हैन, छिमेकी देश भारतको बिहार राज्यबाट पनि भक्तालुहरू दर्शन र पूजाका लागि आइपुग्ने गरेका छन् । सप्तमीदेखि नवमीसम्म सयौंको संख्यामा बलि दिइने भए पनि यो वर्ष महामारीका कारण सर्वसाधारणलाई बलि दिन रोक लगाइएको छ ।

तर, गुठी व्यवस्थापन समितिले भने नैनित्य पूजा अन्तर्गत घटस्थापनादेखि पूर्णिमासम्म बलि दिएर दशैंको समापन गर्ने चलन छ । नित्य पूजा अन्तर्गत हरेक महिनाको अष्टमीको दिन बोकाको बलि दिइन्छ । दन्तकालीमा बोका, राँगा, हाँस, परेवाको बलि दिने प्रचलन छ ।

सर्वोच्च अदालतद्वारा ...

धरान । बलात्कारको अभियोगमा थुनामा रहेका कृष्णदास भनिने ...

पट्नाली च्यालेन्ज कप ...

धरान । धरान उपमहानगरपालिका–१७ पट्नालीमा भइरहेको प ...

नेपालमा हवाई दुर्घट ...

काठमाडौँ । संस्कृति, पर्यटन तथा नागरिक उड्डयन मन्त्री य ...

आगलागी बाट लाखौंको क ...

मधुमल्ला । मोरङको मिक्लजुङ गाउँपालिका वडा नं. १ गोगनेमा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved