बन्दुक बोक्ने हातले कृषी कर्म पौरखी युवाहरुको लोभ लाग्दो कमाई

alt
  • पुष २९, २०७६
  • १३० पटक पढिएको
  • रमेश थापा

यासोक पाँचथर / जंगलको बीचमा सुन्दर पोखरी, पोखरी भरी पानी छ । पोखरीदेखि २ सय मिटर मुनि बाँझिएको खेतमा युवाहरु काम गरिरहेका भेटिन्छन् । खेतमा लटरम्म फलेका टमाटर, काउली, बन्दा, रायो र मुला जस्ता तरकारी बालीले हरियाली छाएको छ । खेतमा टमाटर गोडमेल गर्ने, हलो जोत्ने सागसब्जीमा पानी हाल्ने, सबै आ–आफ्नै काममा ब्यस्त हुन्छन् । ट्रर्नेल मुनी लटरम्म फलेका टमाटर गोडमेल गर्दै गरेको अवस्थमा भेटिए समुहका एक युवा तेजप्रकाश लावती ।
नेपाली सेनामा १८ वर्षसम्म देशको सेवा गरी अवकासप्राप्त लावती अहिले कृषि पेशामा ब्यस्त हुने गरेका छन । उनी जस्तै बिदेशबाट स्वदेशमै केही गर्ने सोचेर फर्किएका युवाहरु पनि कृषि कर्ममै रमाइरहेका छन । पाँचथरको कुम्मायक गाउँपालिका १ यासोकस्थित अप्लालुङ कृषि फर्ममा देखिएको दृश्य हो यो । बैदेशिक रोजगारीबाट फर्किएका युवाहरुले सामुहिक रुपमा कृषि फर्म दर्ता गरी कृषि कर्म गर्दै आएका छन । खाडीको मरुभूमिमा पसिना बगाउँने युवाहरु अहिले आफ्नै देशमा कृषि फर्मबाट मासिक लाखौं रुपैयाँ कमाउँदै आएका छन । नेपालमै मेहेनत गर्ने हो भने सुन फलाउँन सकिन्छ भन्ने गतिलो उदाहरण उनीहरुको कृषि फर्म बनेको छ । १० जना युवाहरुले सामुहिक रुपमा संचालन गरेको कृषि फर्म गाउँपालिकाकै नमुना कृषि फर्म हो ।
सुख्खाक्षेत्रको रुपमा रहेको उक्त स्थानमा गाउँपालिकाले लाखौं रुपैयाँ लगानी गरी पोखरी निर्माण गरेको छ । पोखरीमा जम्मा गरेको पानी कृषि फर्ममा प्रयोग हुदै आएको छ । गाउँपालिका र वडाले ट्रर्नेल र प्लाष्ट्रिक पोखरी निशुल्क दिएको छ । वडाले पनि हौसला दिएको छ । सबैले यसरी नै साथ दिने हो भने हामी जस्ता बेरोजगार युवाहरुले रोजगारी पाउँने थियौं ।– लावतीले भने । बाँझिएको ९ रोपनी खेतमा पसिना बगाएर कृषि कर्म गरेका युवाहरुले मासिक १ लाखदेखि डेढ लाख रुपैयाँ आम्दानी गर्दै आएको सुनाए । १० लाख रुपैयाँबाट लगानी गरेको कृषि फर्म संचालन भएको एक वर्ष भयो । उराठलाग्दो खेतमा युवाहरुको परिश्रमले अहिले हरियाली भएको छ ।
ध्न कमाउँने आशामा कम्मायक १ सफाबुङका गंगाप्रसाद लावती खाडीको देशमा पुगेका थिए । उराठलाग्दो देशमा पसिना बगाउँदा पनि बिदेश गएको ऋण तिर्न नसकेर स्वदेश फर्किएका उनी अहिले कृषि कर्मबाट राम्रो आम्दानी गर्दै आएका छन । समुहमा आम्दानी राम्रो भएपछि कृषि कर्ममा अन्य युवाहरु समेत लागि परेको उनले सुनाए । गाउँमा अरु युवाहरु पनि बिभिन्न व्यवसाय गर्दै आएका छन । ‘यदि गाउँमै बिदेशमा गर्ने श्रम गर्ने हो भने राम्रो आम्दानी गर्न सकिन्छ ।’– उनले भने । युवाहरुले नमुना व्यवसाय संचालन गरेको भन्दै वडा अध्यक्ष देबेन्द्रकुमार लावती पनि दंग छन । वडाका युवाहरलाई कृषि कर्म गर्नुपर्छ भन्ने सन्देश दिदै आएका उनले कृषि पेशा गर्ने कृषिकलाई वडा र गाउँपालिकाबाट गर्ने सहयोग गर्दै आएको बताउँछन् ।
‘मेहेनत गर्ने युवाले राज्यको सेवा सुविधा पाउँनु पर्छ । ति युवाको लागि गाउँपालिका र प्रदेश सरकारबाट थप सहयोग उपलब्ध गराउँने बिषयमा पहल गर्ने छु ।’–लावतीले भने । वडामा बैदेशिक रोजगारीबाट फर्किएका अन्य युवाहरुले पनि बंगुर र बाख्रा फर्म संचालन गरेर राम्रो आम्दानी गर्दै आएको लावतीले सुनाए । गाउँपालिकाको बेसी क्षेत्रमा कृषि र पशुपालनबाट किसानले राम्रो आम्दानी गर्दै आएका छन ।

 

आदिवासीहरू ‘अल्पसङ् ...

आदिवासी जनजातिका ५६ समुदायलाई नेपाल सरकारले ‘अल्प ...

प्रविधिमा सचेतता अप ...

२१ औं शताब्दीमा प्रविधि मानव विकासका लागि नङ र मासु जत् ...

‘डलर’ मा कार्टुन क्र ...

गायक राजेन्द्र भट्ट, आर्जन पाण्डे र विद्या तिवारीको आवा ...

कोशी महोत्सव: १ लाखब ...

भण्टाबारी/ कोशी गाउँपालिकाको कार्यालयले १ लाखबढी पर्यटक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved