तिहारमा सयपत्री फूलको अभाव नहुने

alt
  • कार्तिक ७, २०७५
  • २३ पटक पढिएको
  • ब्लाष्ट खबर

उर्लाबारी/ वर्षौदेखि महँगो भारतीय सयपत्री फूल खरिद गरी तिहार मनाउन बाध्य पूर्वीमोरङका बासीन्दाका लागि यस वर्षको तिहार सहज हुने भएको छ ।

उर्लाबारीस्थित मदन भण्डारी स्मृति प्रतिष्ठान नेपालले यस वर्षदेखि फूलको व्यवसायिक खेती गरेपछि उर्लाबारी, पथरी, दमक र आसपासका स्थानीयका लागि फूल खरिदमा सहज हुने भएको हो ।

भारतीय सिमानाका बजारहरू झापाको काँकडभिट्टा, मोरङको विराटनगरमा प्रति केजी पाँच सय रुपैयाँमा खरिद गरी स्थानीय बजारमा बिक्रीका लागि ल्याउने साना व्यापारीहरूसँग सर्वसाधारणले अत्यन्तै चर्को मूल्य लगाएर सयपत्री फूल खरिद गरी तिहार मनाउनेहरूका लागि प्रतिष्ठान वरदान सावित भएको हो ।

सो प्रतिष्ठानका कार्यकारी निर्देशक विनोद अर्यालले प्रतिष्ठान सेवा प्रदायक संस्था भएकाले लागत शुल्क कटाएर सर्वसाधारण सबैका लागि प्रति केजी २ सय ५० रुपैयाँमा सयपत्री फूल बिक्री गर्ने योजना रहेको बताएका छन् । एक परिवारका लागि सामान्यतया एक केजी फूल भए तिहारमा पुग्ने जानकारहरू बताउँछन् ।

प्रतिष्ठानको परिसरमा उपयोगविहीन अवस्थामा रहेको ३० कट्ठा क्षेत्रफलमा डेढ महिना अघि १५ हजार बिरुवा रोपेर व्यवसायिक पूष्प खेती गरी तिहारलगायतका चाडवाडलाई लक्षित गरी सयपत्री फूल उत्पादन गरेको बताउँदै कार्यकारी निर्देशक अर्यालले सानो लगानीबाट राम्रो आम्दानी हुने अनुभव सङ्कलन एवम् प्रतिष्ठानसँग समाजका सबै समूहको साक्षतकार हुने समेत बताएका छन् ।

असोजको तेस्रो साताबाट उत्पादन शुरु भएको फूलले तिहार एवम् छ्रैठ पर्व र मङ्सिर अन्तिम सातासम्म उत्पादन दिने र पूष्प खेतीलाई निरन्तरता दिने बताउँदै कार्यकारी निर्देशक अर्यालले उर्लाबारी, पथरी, दमकका स्थानीयलाई पुग्ने गरी सयपत्री थुँगे फूल उपलब्ध गराउने प्रतिष्ठानको दाबी छ ।

प्रतिष्ठानलाई समाजका सबै समुदाय र वर्गसँग जोड्न र चाडवाडलाई लक्षित गरी अत्यन्तै उपयोगी पूष्प खेती गरी शुलभ मूल्यमा सयपत्री फूल सर्वसाधारणलाई बिक्री वितरण गरेकामा खुशी व्यक्त गर्दै उर्लाबारी नगरपालिकाका प्रवक्ता भानुभक्त शर्मा पराजुलीले यस्तै किसिमका थप जनमुखी कार्य गर्न सुझाव दिएका छन् ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved