सर्वोच्च अदालतद्वारा बदरको निर्णय भएको नेकपाको ओली पक्षले २२१ सदस्यीय धरान उपमहानगर कमिटी घोषणा गरेको छ ।
धरान उपमहानगर कमिटी पुनर्गठन गर्दै पार्टीआबद्धहरुलाई सपथ ग्रहण समेत गराएको छ ।
केन्द्रीय कमिटी सदस्यसमेत रहेका जिल्ला अध्यक्ष रेवतीरमण भण्डारीको प्रमुख उपस्थितिमा नवगठित कमिटीका सदस्यहरुलाई सपथ गराइएको अध्यक्ष हर्कजंग एभेङले जानकारी दिए ।
कमिटीको नेतृत्वमा आएपछि वडा कमिटीहरुसमेत तीव्र रुपमा निर्माण भइरहेको र संगठन विस्तारलाई तीव्र रुपमा अगाडि बढाइरहेको एभेङले बताए ।
शनिबार वडा नं. ८ मा रामकुमार प्रधानको अध्यक्षतामा ६१ सदस्यीय कमिटी पुनःगठन गरिएको छ । कमिटीका उपाध्यक्षमा विश्वराम कार्की, सचिवमा खड्गबहादुर विश्वकर्मा र उपसचिवमा लीला बास्तोला चयन भएको एभेङले जानकारी दिए ।
