इलाममा २० प्रतिशत रोपाई सकियो

alt
  • असार २७, २०७५
  • १४ पटक पढिएको
  • ब्लाष्ट खबर

इलाम । इलाममा २० प्रतिशत रोपाई सम्पन्न भएको छ । जिल्ला कृषि विकास कार्यालय इलामको गत असार २४ गतेसम्मको तथ्यांक अनुसार जिल्लाभरमा २० प्रतिशत रोपाई सम्पन्न भएको छ ।

वर्षात सुरु भएसगैँ धान रोप्ने समय पनि धमाधम भईरहेको र यस पटक गत वर्षको भन्दा रोपाईमा वृद्धि भएको कृषि विकास कार्यालयले जनाएको छ ।

गत वर्ष असार मसान्तसम्ममा १७ प्रतिशत रोपाई भएकोमा यसवर्ष २५ प्रतिशत नाघ्ने अनुमान छ । समयमा नै वर्षात सुरु भएपछि कृषकहरुले धमाधम रोपाई सुरु गरेका हुन् । जिल्लाको सबैभन्दा धेरै धान उत्पादन हुने क्षेत्र माई नगरपालिका, चुलाचुली गाँउपालिका, देउमाई नगरपालिका रहेको छ भने कम उत्पादन हुने क्षेत्रहरुमा माईजोगमाई गाउँपालिका, सन्दकपुर गाँउपालिका रहेको छ ।

जिल्लामा सतप्रतिशत रोपाई श्रावण मसान्तभरमा सकिनेछ । इलाम जिल्लामा कुल कृषक परिवार ६४ हजार पाँच सय दुई रहेका छ । जसमामा खेती गरिएको जमिन ६३ हजार दुई सय ९५ हेक्टर छ । यस्तै जिल्लामा ४४ हजार नौ सय ४० हेक्टर पाखो जमिनले ओगटेको छ । कुल खेती गर्ने जमिनमध्ये ६ हजार चार सय आठ मात्र वर्षभर सिचिंत क्षेत्र रहेको छ भने अन्य क्षेत्रमा वर्षात तथा खोलानालाबाट मात्र सिचाँई हुने गरेको छ ।

इलाम जिल्लाको दश वटै स्थानीय तहमध्ये सबैभन्दा बढी मकै खेती हुने गरेको तथ्यांकमा उल्लेख छ । कुल भूभागको ३९ हजार तीन सय ९५ हेक्टर मकै खेतीले ओगटेको छ भने १५ हजार ९ सय ९५ हेक्टर जमिनमा मात्र धान खेती हुने गरेको छ । आर्थिक वर्ष २०७३/०७४ मा १५ हजार नौ सय १५ हेक्टर जमिनमा रोपाई भएको थियो भने यस वर्ष ०.५ प्रतिशतले धानखेती वृृद्धि भएको कृषि विकास कार्यालयले जनाएको छ । खेती गर्न सहज र अनुकुल वातावरण भएकाले इलामका सबैजसो क्षेत्रमा कृषकहरुले मकै खेती गर्ने गरेका छन् । जिल्लाको सिचिंत क्षेत्रमा गत वर्षको तथ्यांक अनुसार प्रति हेक्टर २.९ मेट्रिक ट्रन धान फलेको तथ्यांक रहेको छ भने प्रति हेक्टर तीन मेट्रिक टन मकै उत्पादन हुने गरेको देखिन्छ ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved