ब्लाष्ट रजत महोत्सव कविता प्रतियोगितामा ‘गन्धर्व दाजु’ प्रथम

alt
  • भदौ २७, २०७६
  • ब्लाष्ट खबर

धरान/ब्लाष्ट दैनिकको रजत महोत्सवको अवसरमा आयोजित कविता प्रतियोगितामा ‘गन्धर्व दाजु’ शीर्षकको कविता प्रथम भएको छ ।

शुक्रबार गरिएको अन्तिम छनौटमा मोरङ रतुवामाइका प्रदीप योङहाङले लेखेको कविता प्रथम बनेको हो । त्यस्तै मोरङ उर्लाबारीका सरोज मर्डी सतारले लेखेको ‘झुपडीको कथा’ दोस्रो बनेको छ । मोरङ सुन्दरहरैंचाका सुदीप विष्टको ‘आँशुहरू’ शीर्षकको कविता तेस्रो बनेको छ । निर्णायकत्रय कथाकार सरणकुमार राई, प्रा.डा. भीम खतिवडा र कवि टीका आत्रेयले कविताको अन्तिम छनौट गरेका हुन् । ब्लाष्टलाई प्राप्त ४३ कवितामध्ये अन्तिम ८ छनौट गरिएको थियो । अन्तिम ८ बाटै उत्कृष्ट तीन कवितालाई पुरस्कृत गरिएको हो । पुरस्कार ब्लाष्ट दैनिकको रजत महोत्सवको अवसर पारेर असोज २ गते वितरण गरिँदै छ ।

प्राप्त कविताहरूलाई कोडीकरण गरेर निर्णायकहरूलाई उपलब्ध गराइएको थियो । जसमा कविता लेख्नेको नाम, उमेर, विद्यालयलगायतमा कोड अङ्क प्रयोग गरिएको थियो । कोडको आधारमै निर्णायकत्रयले छनौट गरेका थिए । अन्तिम ८ मा छनौट भएका कविताहरूलाई ब्लाष्ट दैनिकमा प्रकाशित गरिनेसमेत लेखकहरूलाई जानकारी गराउन चाहान्छौं ।

अन्तिम ८ मा केशव भण्डारीको ‘वृद्धाश्रमकी आमाको पत्र’, किरण चौलागाईंको ‘झिमिक्क नगर है’, प्रमिला राईको ‘लौन हुलाकी दाइ’, मुना पराजुलीको ‘म अघि बढ्छु’, र समीरा सिवाकोटीको ‘मेरी आमा’ शीर्षकको कविता पर्न सफल भएका थिए । निर्णायक समूहले प्राप्त कविताहरूमा भाषागत त्रुटि अत्यधिक रहेकाले प्रकाशन गर्दा भाषा सम्पादन गरेर प्रकाशन गर्नसमेत सुझाव दिएको छ । प्रथम दोस्रो र तेस्रो बनेका कविताहरू आइतबारको अङ्कमा प्रकाशित हुँदैछ ।

कानेपोखरीमा विदेशबाट ...

पथरी / मोरङको कानेपोखरी गाउँपालिकामा बैदेशिक रोजगारबाट ...

कोरोनाका कारण बेलायत ...

बेलायतको लण्डनमा बस्दै आएका एक भूपू गोरखा सैनिकको कोरोन ...

प्रदेश १ मा १०५ जना ...

धरान  / प्रदेश १ मा ३ हजार ३१ जना क्वारेनइनमा ...

कोरोनाभाइरसः विश्वका ...

एजेन्सी /  जोन्स हप्किन्स यूनिभर्सिटीले सङ्कलन गरे ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved