प्रचार हुन नसक्दा ओझेलमा पर्यो नागवेली पार्क

alt
  • असार २०, २०७५
  • १२ पटक पढिएको
  • ब्लाष्ट खबर

राजारानी / भेडेटारदेखी नाम्चे हुँदै १९ किलोमिटर उत्तरपूर्व लागेपछि आउँछ धनकुटा चौबिसे गाउँपालिका– ६ मा पर्ने राजारानी । राजारानी आफैमा पर्यटकीय गन्तब्यको रुपमा परिचत छ । यहाँ रहेको राजारानी पोखरीसँगै  चिसो मौसम र प्राकृतिक बतावरणले गर्दा सधै जसो स्वदेशी र बिदेशी पर्यटकहरुको आर्षक थलो बनेको छ । तर, राजारानी चौकदेखी दक्षिणमा रहेको नागवेली पार्क र यस भित्र रहेको मनोरम दृश्य देखिने ‘काली’ झरनाको प्रचार प्रसार हुन नसक्दा ओझेलमा परेको छ ।

यो पार्क २०७० सालमा निमार्ण भएको हो । यहाँ यति मनमोहक पार्क  छ भन्ने कमैलाई थाहा छ । पार्क भित्र २० रुपैयाँ तिरेपछि मनै लोभ्याउने मनमोहक काली झरना, नागबेली पार्कमा जोडी नागको कलात्मक मुर्ती देखी आर्षक फुलबारीको आन्नद लिन सकिन्छ । ‘जति प्रचार प्रसार हुनुपर्ने हो त्यही प्रचार भएको छैन,’ अध्यक्ष काजमान लिम्बुले भने, ‘अझै निमार्ण कार्यमा छौं ।’ उनका अनुसार यो पार्कमा अन्य बेलाको भन्दा शुक्रबार र शनिबार पर्यटकहरु धेरै आउने गरेका छन् । अझै निर्माण कार्य नसकिएकोले उति धेरै प्रचार प्रसार नगरेको तर चाँडै पार्कले पुर्णता पाउने र प्रचारप्रसार पनि हुने अध्यक्ष लिम्बुले बताए ।

धनकुटामै रहेको नमस्ते झरनालाई बिर्साउने खालको पार्क भित्र काली झरना रहेको छ ।  पार्क व्यवस्थापन समितिले झराना जाने बाटोलाई व्यवस्थीति र सुरक्षित बनाएको छ । ६० मिटर लामो झरनामा राजा र रानी पोखरीबाट निकास भएको पानीलाई संचित गरेपछि झरनामा आएको अध्यक्ष लिम्बुले जानकारी दिए । ‘१२ महिनामा झरना बगीरहन्छ,’ अध्यक्ष लिम्बुले भने, ‘पर्यटकलाई झरना जान सहज होस भनेर हामीले कंकिडको सिडी बनाएर बाटो खोलेका छौं ।’ जसले गर्दा मनोरम झरनामा पुगेर पर्यटकहरुले सहज रुपमा नियाल्न र फोटा खिच्न सक्नेछन् । पहिले यहाँ नागहरुको बसोवास थियो । यसैले उनीहरुकै सम्झनामा नागबेनी पार्क निर्माण गरिएको हो । यहाँ एउठा ठूलो ढुंगामा नागहरुको कलात्मक मुर्ति बनाएर उनिहरुको सम्झना गरिएको छ । जहाँ दैनिक सयौ पर्यटकहरु आउँछन् । सुन्दर बन क्षेत्रभित्र रहेको मनमोहक पार्कमा रहेको आर्कषक झरनाले यो पार्कलाई झनै मनमोहक बनाएको छ ।

स्थानिय तह र प्रदेश सरकारले यस पार्कको लागि बजेट बिनायोजन गरेकोले पार्क व्यवस्थापन समितिले चाँडै सेल्फी खिच्ने पार्क समेत बनाउने तयारीमा छन्  । उक्त पार्क  निर्माण भएपछि यसको आकर्षण थप बढेर जाने बताइएको छ । पार्क निमार्ण गर्न करिब २६ लाख खर्च भइसकेको अध्यक्ष लिम्बुले जानकारी दिए ।

कसरी पुग्ने राजारानी

धरान–धनकुटा सडक खण्ड अर्न्तगत भेडेटारदेखि लगभग १९ कि.मी नाम्चे हुँदै उत्तरपूर्वमा  पर्छ राजारानी । भेडेटारदेखि नाम्चेसम्म जाने बाटो सहज भए पनि त्यसदेखी उता जान बाटो अलिक जोखिमपूर्ण रहेको छ ।  ३/४ वटा डाँडा काटेर जानुपर्ने छ र वर्षामा बाटो हिलाम्मे  हुने गर्दछ । भेलेडारदेखी १९  कि.मी पार गर्न सवारी साधानमा मात्र १ घन्टा लाग्छ ।

सम्भावना

राजारानी सँगै नागबेली पार्कलाई पर्यटकीय स्थलको रुपमा विकास गराउनका लागि पर्याप्त सम्भावना रहेका छन् । राजारानी क्षेत्रको उचित व्यवस्थापन तथा होमस्टे सञ्चालन गर्न र यस क्षेत्रको व्यपाक रुपमा प्रचार प्रसार गर्न सके पर्यटकलाई थप आकर्षित गर्न सकिन्छ । यस क्षेत्रमा पुग्ने सडकको स्तर उन्नती गरी व्यवस्थीत गर्न सके भारतको विहार राज्यदेखीको पर्यटकहरु आउने थिए । खासगरि तराईबाट गर्मीको समयमा चिसो मौसममा सुन्दर ठाउँमा रमाउन चाहनेहरुकालागि राजारानीको नागबेनी पार्क रमणिय मात्र नभएर उपयोगी हुनसक्छ ।

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved