विराटनगर/ मानव सहयोगी हातहरु नामक सामाजिक संस्थाले जनचेतना मूलक चार दिने तालिम सम्पन्न गरेको छ ।
विराटनगर महानगरपालिका वडा नम्बर ६ को सहयोगमा कोरोनासँग सम्बन्धित जनचेतना तालिम विराटनगरमा सम्पन्न गरेको हो ।
महामारीको रुपमा फैलिएको कोभिड १९ बाट हुने तनाव अन्त्य गरिनेलगायतका जनचेतना मूलक कार्यक्रम गरिएको मानव सहयोग हातहरु नाम संस्थाका अध्यक्ष सुमन कालिकोटोले जानकारी दिए । जनेचतना मूलक तालिममा १ सय २० भन्दा बढीको सहभागिता रहेको थियो ।
सोही अवसरमा सहभागिहरुलाई रोगप्रतिरोगत्मक क्षमता बढाउने आयुर्वेदिक औषधी, स्वास्थ्य सामाग्रीहरु मास्क, सेनिटाईजर र स्टेशनरी सामाग्री पनि बितरण गरिएको संस्थाक संस्थापक ताजिम अन्सारीले जानकारी दिए ।
कार्यक्रममा विराटनगर ६ का वडाअध्यक्ष बिजय कामत, मानव सहयोगी हातहरुको संस्थापक पदाधिकारी ताजिम अन्सारी, टेक प्रसाद अधिकारी, डा. शिवशंकर साहलगायतको सहभागिता रहेको थियो ।
