बाग्लुङमा थप ६ युवामा कोरोना पुष्टि, कुल संख्या ७७९ पुग्यो

alt
  • जेठ १४, २०७७
  • ब्लाष्ट खबर

धरान । भारतबाट आएका बाग्लुङका ६ युवामा कोरोना भएको पुष्टि भएको छ । बाग्लुङका प्रमुख जिल्ला अधिकारी गौलोचन सैंजूका अनुसार थप ६ युवामा कोरोना संक्रमण देखिएको हो । त्यस्तै प्रदेश ३ हटौंडाकी २५ वर्षीया एक युवतीमा पनि बुधबार बिहान कोरोना भएको पुष्टि भएको छ । 

बाग्लुङका ६ युवाहरू बडिगाड र तमान खोलाका बासी हुन् । उनीहरूलाई बाग्लुङको धौलागिरी अस्पतालमा उपचारको लागि ल्याइँदै छ । उनीहरूलई सम्बन्धित पालिकाको क्वारेन्टिनमा राखिएको थियो । नेपालमा हालसम्म कूल संख्या ७७९ पुगेको छ । 

तर, हालसम्म पनि स्वास्थ्य तथा जनसंख्या मन्त्रालयले कोरोना संक्रमितको संख्या अद्यावधिक गरेको छैन । हालसम्म कोरोना संक्रमितमध्ये १७६ जना उपचारपछि निको भएर घर फर्किएका छन् । मंगलबार साँझ मात्रै पर्साका २१ जना संक्रमित डिस्चार्ज भएका थिए । 

नेपालमा पछिल्लो समय दोहोरो अङ्कमा कोरोना संक्रमित देखिन थालेका छन् । हिजो मात्रै ९० जना नयाँ संक्रमित भेटिएका थिए । पीसीआर परीक्षण सुस्त भएका कारण पनि कोरोना संक्रमित नदेखिएका हुनसक्ने विज्ञहरूले औल्याउँदै आएका छन् । नेपाली कांग्रेसले पनि पीसीआरको दायरा बढाउनका लागि माग गर्दै आएको छ । सरकारले हालसम्म ५४ हजार ६९७ जनाको मात्रै पीसीआर गरिएको छ । 

नेपालमा हालसम्म ४ जनाको मृत्यु भइसकेको पुष्टि भएको छ भने हिजो सप्तरीमा मृत्यु भएकी गर्भवती महिलाको कोरोनाबाट मृत्यु भएको हो अन्य कारणले मृत्यु भएको हो भन्ने पुष्टि हुन सकेको छैन । त्यस्तै आज मात्रै धनगढीस्थित प्रादेशिक अस्पतालको आइसोलेसनमा रहेका एक ५० वर्षीय पुरुषको पनि मृत्यु भएको छ । उनीहरूको पीसीआर जाँच पछि मात्रै कोरोना भएनभएको पुष्टि हुनेछ । 

धरानको वडागत बजेट सि ...

धरान / धरान उपमहानगरपालिकाको गत असार १० गते भएकोका ...

बेलबारीमा पनि भेटिए ...

लक्ष्मीमार्ग । बेलबारीमा पहिलो पटक एक पुरुषमा कोरोना भा ...

८५ वर्षिय काेराेना स ...

ब्लाष्टखबर । काठमाडाैंकाे एक निजि अस्पतालमा ८५ वर्षिय क ...

लागु औषधसहित एक जना ...

धरान / सुनसरीको कोशी गाउपालिका ४ बाट एक जनालाई आगु ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved