कोशी गाउँपालिकाको नयाँ योजना

alt
  • मंसिर ९, २०७६
  • १४० पटक पढिएको
  • ब्लाष्ट खबर

तराईमा विवाह गर्दा तिलक दिने, दाइजो दिने र भोज खुवाउँदा लाखौंको खर्च गर्ने परिपाटी यो २१ औं शताब्दीमा पनि गएको छैन । उमेर पुगेका छोराछोरीको विवाह गर्दा आमाबाबु जीवनभरि उक्सिन नसक्ने गरी ऋणमा डुबेका प्रसस्त उदाहरण छन् । साहुसँग ऋण लिएर विवाह ग¥यो अनि चक्रवृद्धि व्याजले भएको घरखेतसमेत बुझाएर सुकुम्वासी हुनु परेको पीडा तराईवासीमा उत्तिकै छ । देखासिकी, दुलाहा पक्षले औकातभन्दा बाहिर गरेर दाइजो माग्ने, जन्तीलाई ठूलो भोजभतेर गर्नुपर्नेजस्ता बाध्यताले तराईको विपन्न वर्गको समाज आक्रान्त छ ।

यी र यस्ता समस्यालाई मध्यनजर गर्दै सुनसरीको कोशी गाउँपालिकाले विपन्न, दलित गरिब समुदायको विवाहका लागि गाउँपालिकाले सामूहिक विवाह गरिदिने योजना ल्याएको छ । त्यसका लागि १५ लाख बजेट नै विनियोजन गरेर गाउँपालिका अध्यक्ष अयुब अन्सारीले शुरु गरेको यो कार्यक्रम मुलुकमै नयाँ मात्र छैन गरिब आमाबाबुको लागि वरदान तुल्य रहेको छ । गत असार मै गाउँसभाबाटै कार्यक्रम स्वीकृत गरी १५ लाख रकम विनियोजन गरेर गाउँपालिकाले गत शुक्रबारदेखि विवाहका लागि नाम दर्तासमेत शुरु गरेको छ । यो विवाहको मौसमसमेत भएकाले गाउँपालिकाले ल्याएको योजना विपन्न वर्गका लागि वरदान नै हुनेछ । बेहुला बेहुलीलाई दिने लत्ताकपडा, जन्तीलाई दिइने भोजबारे स्थानीयलाई बुझाएर यस योजनालाई प्रभावकारी बनाउनु वाञ्छनीय हुनेछ ।

गाउँपालिकाले आफ्ना नागरिकका लागि गर्न लागेको विवाह सहयोग कार्यक्रम एउटा छुट्टै उत्सव बन्नुपर्छ । विवाहमा सहभागी अभिभावक तथा दुलाहा–दुलहीले हिनताबोध गर्न नहुने गरी गाउँपालिकाले कार्यक्रम आयोजना गर्न सक्नुपर्दछ । निश्चय नै तराईमा दाइजो तथा विवाह उत्सवमा हुने फजुल खर्च नियन्त्रणका लागि जनचेतनामा लाखौ खर्च गर्नुको साटो यस्तो कार्यक्रम प्रभावकारी हुनेछ । कोशी गाउँपालिकाको सिको गरेर तराईका विपन्न समुदायका व्यक्तिको सहयोगको लागि अन्य गाउँपालिका, नगरपालिकाले पनि यस्तो कार्यक्रम गर्नु वाञ्छनीय हुनेछ । गाउँपालिकाले छुट्याएको बजेट लक्षित समुदायका लागि प्रयोग गरेर सदुपयोग गर्नुपर्छ ।

आजकाे राशीफल, माघ १० ...

श्री शालिवाहनीय शाके १९४१, ने. सं. ११४०, वि. सं. २०७६ स ...

सन्तानै सशस्त्र प्रह ...

दिपायल जोगीडाब्रेमा रहेको सशस्त्र प्रहरी ३६ नम्बर गणले ...

अपडेटः कृष्णदासलाई थ ...

विराटनगर /  अनुनायी महिलामाथि जवरजस्ती करणीको आरोप ...

राष्ट्रियसभा सदस्य न ...

सिरहा । प्रदेश २ मा राष्ट्रियसभा सदस्य निर्वाचनमा शतप्र ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved