बिरामी ठग्ने सञ्चालकलाई अदालतको पुर्जी

alt
  • कार्तिक २७, २०७६
  • २०० पटक पढिएको
  • ब्लाष्ट खबर

विराटनगर/ बिरामीलाई ठगी गर्ने विराटनगर–९ जहदा रोडस्थित ‘साक्षी मेडिकल हल’ का सञ्चालकहरूलाई जिल्ला अदालत मोरङले ३५ दिने म्याद पुर्जी जारी गरेको छ ।

प्रहरीले सरकारी वकिलको कार्यालयमार्फत् अदालतमा ‘ठगी’ मा फरार प्रतिवादी बनाएर मुद्दा दर्ता गरेपछि अदालतले साक्षी मेडिकल हलका सञ्चालकद्वय सप्तरी बोदेबरसाइन नगरपालिका–६ घर भई विराटनगर बस्दै आएका २५ वर्षीय चन्द्रशेखर यादव र सिरहा सुखीपुर नगरपालिका–९ का ३० वर्षीय निरञ्जन शाक्यलाई अदालतले म्याद पुर्जी जारी गरेको हो ।

३५ दिनभित्र उनीहरू अदालत उपस्थित नभए अदालतले मुद्दाको प्रक्रिया अगाडि बढ्ने सूचना अधिकारी युवराज पौडेलले जानकारी दिए । औषधि बिक्री गर्ने कामदारलाई मात्र पक्राउ गरेको मोरङ प्रहरीले बिरामीले लगेको औषधिको परिमाण धेरै देखाएर ठगी गर्न निर्देशन दिने सञ्चालकलाई पक्राउ गर्न नसक्दा सरकारी वकिलको कार्यालयमार्फत् फरार प्रतिवादी बनाएर जिल्ला अदालत मोरङमा ठगीमा मुद्दा दर्ता गरेको थियो ।

अदालतमा भएको थुनछेक बहसले साक्षी मेडिकल हलमा काम गर्ने सुनसरीको इनरुवा नगरपालिकाका १९ वर्षीय सन्तोष मेहतालाई ५० हजार धरौटीमा छोड्न अदालत दिएको छ । शिशिरराज ढकालको इजलासले मेहतालाई धरौटीमा छोड्न गत बुधबार आदेश दिएका हुन् ।

फार्मेसीमा औषधि खरिद गर्न आएका बिरामीले लगेको परिमाणभन्दा बढी देखाएर औषधिको बिक्रीवितरण गर्ने आरोप लागेको सञ्चालक शाक्यको सिरहाको गोलबजारस्थित १२ शøयाको भूमिजा हस्पिटल रहेको छ । शाक्य र यादवको पार्टनरसिपमा विराटनगरमा पनि औषधि पसल खोलेका थिए । उनीहरूकै निर्देशनमा पसलमा आएका बिरामीले खरिद गरेको औषधिको परिमाण बढाएर बिक्री गर्दै आएको अभियोगमा उल्लेख छ ।

सवारी दुर्घटनामा परी न्यूरो हस्पिटलमा भर्ना भएका उदयपुरको त्रियुगा नगरपालिकाका नवराज राईका आफन्तले २ लाखको औषधि खरिद गर्दा करिब २१ हजार ६ सय १४ रुपैयाँ ठगी गरेको खुलेको छ । ती बिरामीले साक्षी मेडिकलबाट ७१ प्रकारका औषधि खरिद गरेका थिए । बिरामीले खरिद गरेको औषधिभन्दा बढी परिमाण देखाएर ठगी गरेको आरोपमा प्रहरीले गत २६ असोजमा मेडिकल हलमा काम गर्ने मेहतालाई पक्राउ गरेको थियो ।

महिला गर्भवती भए १५ ...

झापा । झापाको बाह्रशदी गाउँपालिकाले गर्भवती महिलालाई एक ...

यसरी हुदैं छ स्थानीय ...

जाजरकाेट / सडक निर्माणको बिल पास गरिदिने भन्दैं उपभोक्त ...

कोरोनाभाइरसः यो कति ...

विज्ञानलाई हालसम्म थाहा नै नभएको एउटा भाइरसले चीनमा अहि ...

१० दिनभित्र नयाँ अस् ...

  एजेन्सी /  चीनले कोरोना भाइरसका बिरा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved