धरान/कलात्मक फिल्मबाट सर्वाधिक परिचित बलिउड अभिनेता ओम पुरीको निधन भएको छ । om puri ६६ वर्षीय पुरी मुम्बईस्थित निवासमा शुक्रबार बिहान सुतिरहेकै अवस्थामा निधन भएको हो । पद्मश्री अवार्ड विजेता पुरीले आक्रोस, अर्ध सत्य, गुप्त, जाने भी दो यारों, चाची ४२० लगायत सय बढी फिल्ममा अभिनय गरेका थिए । घायल रिटर्न उनको पछिल्लो फिल्म हो । पुरीले सन् १९७६ मा मराठी फिल्म घासीराम कोतवालाबाट डेब्यु गरेका थिए ।