मेलिनाले तताइन् भेडेटार

alt
  • आश्विन १२, २०७६
  • ३७६ पटक पढिएको
  • ब्लाष्ट खबर

धरान/ भेडेटारको मौसम त्यसै पनि चिसो । शुक्रबार दिनभरको वर्षाले चिसोका मात्रा झनै बढेको थियो । रात परेपछि भने भेडेटार थुम्कीको माहोल तात्तिन थाल्यो ।

चर्चित गायिका मेलिना राई पहिलो पटक भेडेटारमा गाउन आउने चर्चाले स्थानीय मात्र होइन्, टाढाका दर्शक÷श्रोता पर्खिरहेका थिए । मेलिनाका गीत प्रत्यक्ष सुन्न थुम्कीस्थित भेडेटार भिलेज रिसोर्टमा जम्मा भएका दर्शक मेलिनाकै पर्खाइमा थिए । रात छिप्पिन थालेपछि मात्र कार्यक्रम शुरु भयो ।

साङ्गीतिक प्रस्तुतिको शुरुवात रिसोर्टकै सञ्चालिका पद्मिनी राईले गरिन् । गायिका समेत रहेकी पद्मिनीले दुई गीत प्रस्तुत गरेपछि साङ्गीतिक माहोल तात्तिन थाल्यो । भेडेटारकै अर्की गायिका प्रेमा मगर र जितु रानाले पनि गाए भने निका मोक्तानले मेलिनाकै गीतहरूमा नृत्य प्रस्तुत गरिन् । त्यसपछि आयो मेलिनाको पालो ।

मेलिना स्टेजमा चढ्दा दर्शक/श्रोताहरूले हुटिङ शुरु गरिहाले । मेलिनाले आफ्ना चर्चित गीतहरू सुनाइन् । मेलिनासँगै दर्शकले पनि गाएर र नाचेर साथ दिए । मेलिनाले चर्चित गीत कुटुमा कुटुदेखि रातो टीका निधारमासम्म गाउँदा कार्यक्रममा उपस्थित दर्शकहरू दिल खोलेर नाचे । दशैंको अवसर पारेर रिसोर्टले आयोजना गरेको कार्यक्रममा रिसोर्टका सञ्चालक तथा होटल एसोसिएसन अफ भेडेटारका अध्यक्ष जितेन्द्र रुम्दालीले मायाको चिनो प्रदान गरे ।

पथरीशनिश्चरे फुटबल प ...

पथरी / मोरङको पथरीशनिश्चरेमा जारी दोश्रो पथरीशनिश्चरे ख ...

पानीपियामा दुर्घटना ...

इटहरी / इटहरी उपमहानगरपािलका –२ पानीपियामा द ...

सुनसरीलाई दुख दिने क ...

धरान / कोशी टप्पु वन्य जन्तु आरक्षको हात्तिसार उदय ...

स्थानीयले उठाए अस्पत ...

इनरुवा /  इनरुवा अस्पतालमा थुप्रिएको फोहोर स्थानीय ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved