धरान । अन्तर इसाई समाज अगुवा भेट्रान फुटसल प्रतियोगिताको उपाधि दमक इसाई समाजले जितेको छ ।
धरान ख्रीष्टिय समाजको आयोजनामा धरानमा आयोजित प्रतियोगितामा आयोजक ‘ए’ लाई हराउँदै दमक इसाई समाजले उपाधि उचालेको हो । आयोजकलाई ४–२ गोलअन्तरले पराजित गर्दै उपाधिसहित नगद ११ हजार रुपैयाँ, ट्रफी र मेडल प्राप्त गरेको छ ।
त्यस्तै उपविजेता बनेको आयोजक एले नगद ७ हजार रुपैयाँसहित ट्रफी पाएको छ । प्रतियोगितामा विजेताहरूलाई प्रदेश नम्बर १ इसाई समाजका अध्यक्ष विक्रम एक्तेन लिम्बू, समाजका अध्यक्ष गोविन्द राई, प्रतियोगिता संयोजक मणि गुरुङलगायतले पुरस्कार वितरण गरे ।
प्रमुख अतिथि रहेका एक्तेनले प्रतियोगितामा अन्य इसाई समाजहरू पनि सहभागी बन्दा उत्तम हुने बताए । खेलमा हारजित भए पनि भेटघाटको अवसर पनि हुने उनले बताए ।
