झापाको कमल गाउँंपालिकामा बसको ठक्करबाट एक बालकको मृत्यु भएको छ ।
गाउँपालिकाको ३ नम्बर वडा स्थित केर्खा-क्याम्पा सडकखण्डको केराधापमा बिहीबार बसको ठक्करबाट एक बालकको मृत्यु भएको छ ।
मृत्यु हुनेमा कमल ३ का ५ वर्षीय जनम थापा रहेको जिल्ला ट्राफिक प्रहरी कर्यालय झापा, बिर्तामोडले जानकारी दिएको छ ।
कार्यालयका अनुसार केर्खाबाट बैगुनधुरा तर्फ जाँदै गरेको मे १ ख १५१८ नम्बरको बसले विद्यालयबाट घर फर्कदै गरेका जनमलाई ठक्कर दिएको थियो ।
बसको ठक्करबाट घाइते कञ्चनजंघा माध्यमिक विद्यालयमा कक्षा १ मा अध्ययनरत बालकलाई उपचारका लागि आम्दा अस्पताल दमक लैजाने क्रममा बाटोमा नै मृत्यु भएको कार्यालय जनाएको छ ।
दुर्घटनापछि बस र बस चालकलाई प्रहरीले नियन्त्रणमा लिएको जनाएको छ ।
