सुनसरीको भोक्राहा नरसिंह गाउँपालिकामा भिषण आगलागी हुँदा २ वटा घर र ४ वटा गोठ जलेका छन् ।
मंगलबार गाउँपालिकाको ७ नम्बर वडामा रहेको नटाइ यादवको घरबाट सुरू भएको आगोले नटाइ यादवको घर जलेर पूर्ण क्षति हुनुका साथै
छिमेकी विष्णुदेव यादवको गोठ र एक थान मोटरसाइकल, विजय यादवको गोठ र गोठमा रहेको २ विघाको पराल र धान सँगै लताकपडा जल्नुका साथै आगोमा परेर एउटा बाछी घाइते भएको छ । त्यस्तै, आगलागीमा परेर गम्भिर घाइते भएका भौसाइ यादवको गोठ जलेर खरानी भएको छ भने जलेर उनको एउटा गोरू मृत्यु भएको छ ।
आगलागीका कारण भौसाइका भाई तेजनारायण यादवको पनि घर जलेको बताएको छ । जितन यादवको टिनाको छानो भएको घर र घर भित्र रहेको १५ कठ्ठाको धान जलेर नष्ट भएको बताइएको छ ।
आगलागीबाट बच्न छिमेकी अवधनारायण यादव, धमेन्द्र यादव र शिवनारायण यादवको घर भत्काउदा सामान्य क्षति भएको बताइएको छ । जिल्ला प्रहरी कार्यालय सुनसरीका अनुसार आगलागीमा परेर करिव ३० लाख मूल्य बराबरको क्षति भएको प्ररम्भिक अनुमान गरिएको छ ।
आगलागिको कारण भने खुलिसकेको छैन ।
