विराटनगर। नेपाली काङ्ग्रेसका नेता एंव पुुर्व राष्ट्रसभा सदस्य अशोक कोइरालाको निधन भएको छ ।
विराटनगर–८ घर भएका ७८ वर्षिया कोइरालाको बिहीबार बिहान १ बजे विराटनगर स्थित न्युुरो अस्पतालमा उपचारको क्रममा निधन भएको हो ।
छातीमा भएको निमोनियाका कारण विरामी भएका कोइराला बुधबार अस्पतालमा भर्ना भएका थिए । कोइराला राष्ट्रिसभाका उपाध्यक्ष समेत भएर काम गरेका छन् ।
पिता वोधप्रसाद कोइराला र माता कुुमुुदीनी कोइरालाको कोखवाट वि.स. २००० साल वैसाखमा उनको जन्म भएको थियो । कोइराला २०४९ सालमा तत्कालिन विराटनगर नगरपालिकाको मेयर पनि हुन् ।
उनले नेपाली काङ्ग्रेस मोरङको तीन पटक जिल्ला सभापति भएर काम गरेका छन् । उनी दुुइपटक राष्ट्रिय सभा सदस्य पनि हुन् ।
पूर्व प्रधानमन्त्री स्वर्गीय सुुशिल कोइरालाको भाई हुन् । कोइरालाको श्रीमती र एक छोरा र एक छोरी छन् ।
कोइरालाको पार्थीव शरिरलाई उनको निवासवाट शवयात्रा सहित आज दिउँसो १ बजे नेपाली काङ्ग्रेस मोरङको पार्टी कार्यालयमा राखिने र त्यसपछि स्थानिय सिंगियाघाटको विश्रान्ती घाटमा दाह सस्कार गरिने नेपाली काङ्ग्रेस मोरङका सभापती डिकबहादुुर लिम्वुुले बताए ।
श्रद्धान्जली दिन काङ्ग्रेस पार्टी सभापती शेरबहादुुर देउवा, महामन्त्री डा.संशाक कोइराला तथा काङ्ग्रेसका शिर्ष नेताहरू विराटनगर आउने कार्यक्रम रहेको सभापती लिम्वुुले जानकारी दिए ।
