सत्तारुढ नेकपा एमालेले सत्ता साझेदारीका लागि पहल सुरु गरेको छ ।
एमालेले उपमहासचिव विष्णु पौडेल र नेता सुवासचन्द्र नेम्वाङ रहेको दुई सदस्यीय वार्ता टोली गठन गरेको छ ।
एमालेले वार्ता टोली गठन गरे लगत्तै जनता समाजवादी पार्टी (जसपा) ले समेत नयाँ सरकार निर्माणलगायतका विषयमा सत्तारुढ नेकपा एमालेसँग वार्ता गर्न दुई सदस्यीय समिति गठन गरेको छ ।
जसपाको वार्ता टोलीमा नेताहरु लक्ष्मणलल कर्ण र सर्वेन्द्रनाथ शुक्ल रहेका छन् ।
प्रतिनिधि सभामा बहुमतका लागि १७ सिट अपुग रहेको संसदको सबैभन्दा ठूलो दल एमालेले अन्य दलसँग वार्ताका लागि प्रयास सुरु गरेको हो ।
संसदमा एमालेको १२१ र जसपाको ३४ सिट छ । प्रतिनिधि सभामा बहुमतका लागि १३८ सिट आवश्यक पर्दछ ।
