बेलबारी । मोरङमा कोरोना भाइरसको संक्रमणका कारण एक जना सशस्त्र प्रहरी निरीक्षक (इन्सपेक्टर)को निधन भएको छ । तेह्रथुम स्थायी घर भई ३ नं. सशस्त्र प्रहरीको कंकालिनी गण टंकीसिनुवरी मोरङमा कार्यरत प्रहरी निरीक्षक नविन बुढाथोकीको मोरङको बुढीगंगास्थित विराट मेडिकल कलेजमा उपचारको क्रममा मृत्यु भएकोहो ।
कोरोना संक्रमण बाहेक अन्य दीर्घरोग नभएका ३३ वर्षीय उनको उपचारकै क्रममा सोमबार राति निधन भएको शसस्त्र प्रहरी बलले जनाएको छ । श्वासप्रश्वासमा समस्या भएपछि गत कात्तिक २६ गते उपचारका लागि विराटमाभर्ना गरिएका उनलाई २७ गते कोरोना पोजेटिभ देखिएको थियो ।
विराट मेडिकल कलेजका आइसोलेसन इञ्जार्च सुनिल देवका अनुसार उनको भेन्टिलेटरमा उपचार भइरहेकोमा सोमबार राति ११ः२२ बजे मृत्यु भएको हो ।
