दर्ता हुन आएकाे एमाले, पूर्व एमाले हैन–दंगाल

  • असार २०, २०७७
  • ब्लाष्ट खबर

ब्लाष्टखबर । नेपाल कम्युनिष्ट पार्टी (नेकपा) मा विवाद चर्किरहेकै बेला एमाले दर्ता प्रक्रियाका लागि निर्वाचन आयाेगमा पुगेकाे विषयमा नेकपा खोटाङ जिल्ला कमिटीका सचिव रामप्रसाद दंगालले उक्त एमाले पूर्व एमाले नरहेकाे दाबी गरेका छन् ।

दुई अध्यक्ष बीच दूरी बढिरहेकाे बेला एमाले दर्ता प्रक्रियामा आएकाे विषयमा उनले उक्त कुरा बताएका हुन् । उनले पार्टीकाे समस्या आपसी वार्ताबाटै सामधान गर्नुपर्ने बताए । प्रधानमन्त्री केपी ओलीलाई अर्का अध्यक्ष पुष्पकमल दाहाल (प्रचण्ड) ले दुवै पदबाट राजीनामा मागेपछि पार्टीभित्र तरङ्ग सिर्जना भएकाे थियाे । १ नम्बर प्रदेश कमिटी सदस्य समेत रहेका दंगालले पार्टी फुट्न सक्ने सम्भावना नरहेको दाबी समेत गरे । ओली र प्रचण्डले पार्टीको निर्णयहरूलाई अंगिकार गर्दै आफू भित्र रहेका विवादहरू वार्ताबाटै सामाधान गर्नुको विकल्प नरहेको उनले बताए ।

जनताले दिएको जनमतकाे सम्मान गर्दै वाचाहरू पूरा गर्न एकजुट भएर लाग्नु पर्ने उनले बताए । पछिल्लो समय पार्टी फुट्न सक्ने भन्दै आएका टिकाटिप्पणीहरू हल्ला मात्र भएको दंगालकाे दाबी छ । दंगालले भने-‘कम्युनिष्टहरुले धरै फुट र जुटका घटनाक्रमहरू विगतमा पनि देखिएका हुन् । पूर्व नेकपा एमाले र माओवादी केन्द्र देशको आवश्यकताले गर्दा नै एक भएका हुन् । फुट्ने भन्ने हल्ला मात्र हो ।’

उनले एमाले नामको पार्टी दर्ता प्रक्रियामा आएको विषयलाई ओलीसँग जोड्नुको कुनै अर्थ नरहेको पनि बताए । उनले भने-‘प्रधानमन्त्री ओलीको जुन उचाइ छ त्यसले पनि बताउँछ कि कसैले नचिनेका मानिसहरू ल्याएर पार्टी दर्ता गर्नु पर्दैन भन्ने । त्यो पार्टी लामो संघर्षले निर्माण गरेको पूर्व नेकपा एमाले हैन ।’ उनले यदि पार्टी फुट भए जनता र कार्यकताहरूले नेताहरूलाई कारबाही गर्ने चेतावनी पनि दिए । 

न्यूरो अस्पतलामा थप ...

विराटनगर / विराटनगरमा शुक्रबार पुष्टि भएको ३२ संक्रमित ...

मोरङको रंगेलीको एउटै ...

विराटनगर /  मोरङको रंगेलीमा शुक्रबार २९ जनामा कारो ...

कर्तव्य ज्यान मुद्वा ...

भद्रपुर / महिलाको हात छोएको विषयमा विवाद भई कुटपिट ...

होम क्यारेन्टिनमा रह ...

धरान / होम क्यारेन्टिनमा रहेका प्रदेश १ सरकारका आन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved