यो हिउँदे अधिबेशनले प्रदेश १ को नाम जुराउदैंछ– सभामुख

alt
  • माघ २८, २०७६
  • ब्लाष्ट खबर

धरान / प्रदेश नं. १ को प्रदेश सभाको यो हिउदे अधिबेशनले प्रदेश १ को नाम जुराउने प्रदेश सभाका सभामुख प्रदिपकुमार भण्डारीले बताएका छन् । मंगलबार धरानमा भएको एक अनौपचारिक भेटघाटमा सभामुख भण्डारीले प्रदेशको नाम निकै पेचिलो मुद्वा बन्दैं गएको भए पनि प्रदेशसभाबाट यो हिउदे अधिबेशनबाट नाम पाउने बताए ।
नामका लागि राजनीतिक दलहरु, सरकार आन्तरिक छलफलमा जुटेका छन् । छिट्टै सरकारले सदनमा प्रस्ताव ल्याउने छ । हिउँदे अधिबेशन अन्य अगावै प्रदेश १ ले नाम पाउने छ ।’–सभामुख भण्डारीले भने ।
जातीय पहिचानसहितको नाम राख्नु पर्ने माग गदैं विभिन्न जातीय संघ संस्थाहरुले ज्ञापन पत्र बुझाउने काम भइरहेको सभामुख भण्डारीले बताए । पहिले एउटा सिमित जातीको नाममा नाम राख्न माग बढे पनि पछिल्लो समय भने सयुक्त नाम राख्न ज्ञापन पत्रहरु आएको सभामुख भण्डारीले जानकारी दिए । लिम्बुवान किरात, लिम्बुवान खम्बुवानजस्ता नाम राख्न ज्ञापन पत्र बुझाइएको संसद सचिवालयले जनाएको छ ।
पहिचानको नाम ओझेलमा पर्ने सम्भावना
विभिन्न जातीय संस्थाहरुले पहिचान झल्कने प्रदेशको नाम राख्न दवाव भए पनि ती नामले प्रदेशसभामा अल्पमतमा पर्ने सम्भावना बढेको प्रदेशसभाका एक सदस्यले बताएका छन् । ठूला राजनीतिक दलहरुले नदिनाला, हिमालको नाममा नाम राख्ने संकेत गरेका छन् । प्रदेश ३, ४ र ७ मा क्रमशा ,बागमति, गण्डकी र कर्णाली नाम राखिएको छ । प्रदेश १ को पनि कोशी, सगरमाथा जस्ता नाम नै सदनमा जाने ती सदस्य बताउछन् । नियम अनुसार प्रदेशसभामा नाम दर्ता गर्न एक जना प्रस्तावक र दुई जना समर्थक चाहिन्छ । नाम दर्ता गर्न संसद तयार भए पनि प्रस्तावक र समर्थकको अभावमा नाम नै दर्ता हुन नसक्ने सम्भावना हुन्छ । नाम दर्ता नभए पछि संसदमा छलफल नै गर्न पाइदैंन ।
संविधान सभामा प्रदेशको नाम तथा राजधानीको मुद्वा मिलाउन नसके पछि प्रदेशसभालाई नाम र राजधानी तोक्ने अधिकार दिएको थियो । प्रदेश ३, ४ र ७ ले नाम राखि सके पछि अन्य प्रदेशले नाम राख्न सकेका छैनन् । प्रदेश १ ले पनि सरकार संचालन भएको दुई बर्ष वित्दासमेत नाम राख्न सकेको छैन् । दुई बर्षसम्म प्रदेशको नामको प्रस्ताव नै संसदमा लान नसकेको भन्दैं प्रदेश सरकारको आलोचना पनि हुदैं आएको छ ।

कुम्मायक गाउँपालिकाक ...

पाँचथर,यासोक/पाँचथरको कुम्मायक गाउँपालिका ५ स्याबरुम्बा ...

नाेबेलका डा. सुनील श ...

पथरीशनिश्चरे/कोरोना भाइरसको संक्रमणबाट बच्न गरिएको बन्द ...

पत्रकारलाई समाचार सं ...

धनकुटा/धनकुटाका पत्रकारलाई समचार संकलन गर्ने कार्यमा रो ...

बीपीमा नियुक्त भएका ...

धरान । बीपी कोइराला स्वास्थ्य विज्ञान प्रतिष्ठान धरानमा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved