Trending Tags

सातौं युजिए कप, क्वार्टर फाइनलको समीकरण पूरा

alt
  • माघ ४, २०७६
  • ब्लाष्ट खबर

धरान / सातौं युनाइटेड गोर्खा एकेडेमी भलिबल कपको क्वार्टर फाइलनको समीकरण पूरा भएको छ ।
शुक्रबार विद्यालयको भलिबल कोर्टमा सम्पन्न खेलमा पुलिस स्कुल, पूर्वाञ्चल स्कुल, बालविकास, ज्ञानदर्पण र प्याराडाइज स्कुल क्वार्टर फाइलनमा प्रवेश गरेका छन् । बिहीबारदेखि प्रतियोगिता शुरु भए पनि शुक्रबार मात्रै खेलको उद्घाटन गरिएको थियो ।

कार्यक्रमको महेन्द्र बहुमुखी क्याम्पस धरानका सहप्राध्यापक हरिप्रसाद दाहालले उद्घाटन गरेका थिए । पुुलिसले तरहरा मोडेल स्कुललाई २–१ को सेटमा हराउन सफल भएको छ । पुलिसले पहिलो सेटमा १८–२५ को हार बेहेरे पनि दोस्रो र तेस्रो सेटमा २५–१८ र २५–१६ अङ्क बनाउँदै जित हासिल ग¥यो ।

दोस्रो खेलमा पूर्वाञ्चलले कार्मेल स्कुललाई २५–१०, र २५–९ को सोझो सेटमा हराएको थियो त्यस्तै बालविकासले युनिक स्कुललाई २५–९, २८–२६ को सोझो सेटमा हराएको हो । त्यस्तै ज्ञानदर्पण स्कुलले जुनियर पाइनियर स्कुललाई २५–५ र २५–११ को सोझो सेटमा पराजित गर्दै क्वार्टरमा प्रवेश गरेको छ । अन्तिम खेलमा प्याराडाइजले मेरील्याण्ड स्कुललाई २५–१२ र २५–६ को सेटमा हराएको छ । प्रतियोगितामा छात्रतर्फ १६ वटा टिम सहभागी थिए भने छात्रामा १५ वटा टिम सहभागी थिए ।

उद्घाटन कार्यक्रममा प्याब्सनका नगर अध्यक्ष राजकुमार लिम्बू, एनप्याब्सनका अध्यक्ष भगत लिम्बूलगायतको उपस्थिति रहेको प्रिन्सिपल पेम्बा शेर्पाले जानकारी दिए । प्रतियोगिताका विजेता छात्रछात्राले नै जनही नगद १७ हजार रुपैयाँसहित ट्रफी, मेडल र प्रमाण–पत्र पाउने छन् । त्यस्तै दोस्रो हुने टिमले पनि जनही १४ हजार रुपैयाँ, तेस्रो हुने टिमले जनही नगद १२ हजार रुपैयाँसहित ट्रफी, मेडल र प्रमाण–पत्र पाउने आयोजक युनाइटेड गोर्खा एकेडेमीले जनाएको छ ।

त्यस्तै व्यक्तिगततर्फ बेस्ट स्पाइकर, बेस्ट लिफ्टर, बेष्ट सर्भिस, बेस्ट डिफेन्स, बेस्ट लिफ्टर, बेस्ट ब्लकर र बेस्ट प्लेयरले जनही नगद १२ सय रुपैयाँसहित ट्रफी प्राप्त गर्नेछन् । उद्घाटनको पूर्वसन्धयामा गरिएको रक्तदान कार्यक्रममा ५२ युनिट रगत सङ्कलन भएको छ । नेपाल रेडक्रस सोसाइटी सुनसरीको प्राविधिक सहयोगमा सम्पन्न कार्यक्रमको उद्घाटन रेडक्रसका जिल्ला सभापति उमेश थापाले गरेका थिए ।

उपनिर्वाचनको एक वर्ष ...

धरान/ आजभन्दा ठीक एक वर्षअघि अर्थात् २०७६ मङ्सिर १४ गते ...

आजको राशिफल, मङ्सिर ...

श्री शालिवाहनीय शाके १९४२, ने. सं. ११४०, वि.सं. २०७७ सा ...

भारतबाट ल्याएको प्या ...

भण्टाबारी । भारतबाट तस्करी गरी ल्याइएको प्याज सशस्त्र प ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved