काठमाडौं । पूर्वसभामुख कृष्णबहादुर महरालाई थुनामा राख्ने जिल्ला अदालत काठमाडौंको आदेशलाई उच्च अदालत पाटनले सदर गरेको छ । महराको मुद्दा एक महिनाभित्र किनारालगाउन समेत आदेश जारी गरेको छ ।
संसद सचिवालयकै कर्मचारीलाई बलात्कार प्रयास गरेको आरोपमा १९ असोजमा पक्राउ परेका महरालाई जिल्ला अदालत काठमाडौंले पुर्पक्षका लागि थुनामा पठाएको थियो ।
पूर्पक्षका लागि थुनामा राख्ने जिल्लाको आदेशविरुद्ध महरा मंसिर ५ गते उच्च अदालतमा रिट दायर गरेका थिए । मुख्य न्यायाधीश नहकुल सुवेदी र न्यायाधीश टेकनारायण कुँवरको इजलासले जिल्लाकै आदेशलाई सदर गरेको हो । उपलब्ध प्रमाणका आधारमा प्रतिवादी कसूरदार होइनन् भनि भन्न सकिने अवस्था नरहेको आदेशमा भनिएको छ ।
