बूढासुब्बा गोल्डकप अनिश्चित

alt
  • मंसिर १८, २०७६
  • १८६ पटक पढिएको
  • ब्लाष्ट खबर

धरान/तेह्रौं दक्षिण एशियाली खेलकुद (साग) का कारण टुबोर्ग बूढासुब्बा गोल्डकपको २२ औं संस्करण प्रभावित भएको छ ।

अखिल नेपाल फुटबल सङ्घ (एन्फा) को तालिका अनुसार बिहीबारबाट हुने भनिएको बूढासुब्बा गोल्डकप सागका कारण अनिश्चित बनेको हो । एन्फाले अर्को मिति तय नगरिञ्जेलसम्म बूढासुब्बा कहिले हुने भन्ने निश्चित नभएको आयोजक धरान फुटबल क्लबले जनाएको छ । क्लबले अर्को मितिका लागि एन्फालाई मङ्सिरको पहिलो साता नै पत्राचार गरेको जनाएको छ । मङ्सिर २८ गतेदेखि शहीद स्मारक लिग शुरु हुँदै छ । लिग फागुनको पहिलो साता अर्थात् ५ गतेसम्म जारी रहने छ ।

त्यो बीचमा बूढासुब्बा गोल्डकप हुने सम्भावना लगभग टरेको एन्फाका मानार्थ बरिष्ठ उपाध्यक्षसमेत रहेका क्लबका अध्यक्ष किशोर राईले बुधबारको पत्रकार सम्मेलनमा बताए । उनले भने, ‘हामीले अर्को मितिका लागि एन्फालाई पत्राचार गरिसकेका छौं, नयाँ मिति आएपछि हामी सार्वजनिक गर्छौं ।’ २०५५ सालदेखि शुरु भएको बूढासुब्बा सबैभन्दा जेठो गोल्डकप मानिन्छ । यसअघि मोफसलमा कुनै पनि गोल्डकप हुने गरेको थिएन । अध्यक्ष राईले शहीद स्मारक लिग समापनपछि मात्रै प्रतियोगिता हुने सम्भावना रहेको बताए । ‘लिग हुँदै गर्दा प्रतियोगिता हुने सम्भावना न्यून छ, लिग सकिएपछि नै मिति निर्धारण होला’–उनले भने ।

गोल्डकपका लागि सम्पूर्ण तयारी पूरा भइसकेको भए पनि प्राविधिक कारणले अर्को मिति तय गर्नुपरेको क्लबका महासचिव प्रताप तामाङले बताए । उनका अनुसार यसपटक एन्फाले मोफसलका गोल्डकपहरूलाई वर्गीकरण गरेर दिएको र सोही अनुसार गोल्डकपको तालिका बनाइएको थियो । बूढासुब्बा एन्फाकाे श्रेणीमा क वर्गमा रहेकाे छ । ‘मङ्सिर १९ देखि गर्ने भनेर एन्फाले नै मिति तोकिएको थियो, त्यहीअनुसार तयारी पनि भइसकेको थियो’–उनले भने । यसपटक प्रतियोगिताका लागि १० वटा टिमहरू अन्तिम तयारीमा रहेका थिए । 

जसअनुरूप एन्फाले २ विदेशी टिमसँग समन्वय गरेको थियो भने बाँकी ए डिभिजनका क्लबहरू समावेश गर्ने तयारी भएको अध्यक्ष राईले बताए । यस पटक पनि बूढासुब्बामा विजेताले १० लाख रुपैयाँसहित ट्रफी पाउँदै छ भने उपविजेताले नगद ५ लाख रुपैयाँसहित ट्रफी पाउँदै छ । त्यस्तै व्यक्तिगततर्फ भने पुरस्कारको राशि केही बढ्ने सङ्केत क्लबले गरेको छ । २१ औं बूढासुब्बा गोल्डकपको उपाधि विदेशी क्लब दाउफिन्स क्लबले जितेको थियो । जसमा आयोजक उपविजेतामा सीमित बनेको थियो ।

अमेरिकी गोलीकाण्डमा ...

ह्यूस्टन/ अमेरिकाको टेक्सास राज्यको सान एन्टोनियोमा आइत ...

मोदीको गाउँमा बाँदरक ...

विराटनगर । खेतमा लगाएको तरकारी बालि छरपष्ट छ । पाक्न ला ...

प्रदेश १ का चार राज् ...

प्रदेश १ सरकारले नियुक्त गरेका चार राज्यमन्त्रीले सपथग् ...

कवि माङ्लाकलाई समथिङ ...

धरान/ उत्तरवर्ती साहित्यिक आन्दोलनका मुख्य प्रवर्तक साह ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved