सङ्खुवासभा / सङ्खुवासभाको मकालु गाउँपालिका र खाँदबारी नगरपालिका–३ मा शनिबार हुने उपनिर्वाचनमा ढुक्क भएर मतदान गर्न स्थानीय प्रशासनले आग्रह गरेको छ ।

मतदान केन्द्रमा नेपाली सेना, सशस्त्र प्रहरी र नेपाल प्रहरी आवश्यकताअनुसार परिचालन गरिएको प्रमुख जिल्ला अधिकारी जीवनप्रसाद दुलालले बताए । निर्वाचनको आवश्यक तयारी पूरा भएको उनको भनाइ छ । उपनिर्वाचनका लागि मकालु र खादँबारीका ११ वटै मतदान स्थलमा सुरक्षा सुरक्षा व्यवस्था कडा पारिएको छ । मकालु गाउँपालिकामा अध्यक्ष तथा खाँदबारी नगरपालिका–३ मा वडाध्यक्ष पदका लागि निर्वाचन हुँदैछ । मकालुमा नौ हजार एक तथा खाँदबारी–३ मा एक हजार ८३० मतदाता छन् । मकालुमा सात दलका तथा खाँदबारी–३ मा नेकपा र काँग्रेसका उम्मेदवार चुनाव लड्दै छन् ।