जनवादी गायक जेबी टुहुरेको एकल साँझ हुने

alt
  • आश्विन ११, २०७६
  • ब्लाष्ट खबर

विराटनगर । प्रगतिशील गीत गाउने ७६ वर्षीय जनवादी गायक जेबी टुहुरेको एकल साङ्गीतिक साँझ हुने भएको छ ।

जेबी टुुुहुरे फाउण्डेसनको आयोजनामा शनिबार दिउँसो ३ बजे विराटनगरस्थित वीरेन्द्र सभागृह हलमा जेबी टुहुरे एकल साँझ हुने भएको हो ।
जेबी टुहुरे फाउण्डेसनले विराटनगरमा शुक्रबार पत्रकार सम्मेलन गरी एकल साँझको तयारी तीव्र भएको जानकारी गराएको छ । विराटनगरमा हुने जेबी टुहुरको तेस्रो एकल साँझ रहेको फाउण्डेसनको अध्यक्षकी निर्भीका खड्गीले जानकारी दिइन् । एकल साँझमा गायक जेबी टुहुरेले चर्चित १५ वटा चेतना र सन्देशमूलक गीत प्रस्तुत गर्ने उनले बताइन् ।

चर्चित र स्थापित भएपनि जनवादी गीतसङ्गीतका ऐतिहासिक धरोहर एवम् परिवर्तनका संवाहक जनगायक टुहुरेको एकल साङ्गीतिक कार्यक्रममा पूर्णरूपमा निःशुल्क हुनेछ ।

गायक टुहुरेले यो उमेरमा पनि देशका सातवटै प्रदेशमा एकल साँझ गर्ने ध्येय लिएर प्रदेश १ मा कार्यक्रम आयोजना गरिएको फाउण्डेसनका कोषाध्यक्ष तथा राष्ट्रियसभा सांसद् खेम नेपालीले बताए । उनका अनुसार हालसम्म जनगायक जेबी टुहुरेले करिब १ सय ५० प्रगतिशील गीतहरू गाइसकेका छन् । टुहुरेले आधा दर्जन बढी चेतनामूलक गीतहरू समावेश गरिएको एल्बम् पनि निकालेका छन् ।

तत्कालीन संविधानसभा सदस्य तथा अन्तर्राष्ट्रिय श्रम सम्बन्ध समितिको सभापतिसमेत रहिसकेका जनगायक टुहुरेको एकल साँझमा गायकहरू मधु गुरुङ, आकाश थापा र बिहानी विक अनि गङ्गा राईले साथ दिनेछन् । यस्तै भ्वाइलिनमा मनोहर सुनाम, सारङ्गीमा भरत नेपाली र हार्मोनियममा राजेश थापा र रिदममा भरत बुढाथोकीले सहयोग गर्नेछन् । एकल साँझको प्रमुख अतिथि प्रदेशका मुख्यमन्त्री शेरधन राई रहनेछन् भने मन्त्री, सांसद्लगायत विशिष्ट व्यक्तिहरूको उपस्थिति रहनेछ ।

जनगायक जेबी टुहुरेको योगदान र चेतनामूलक गीत–सङ्गीतबारे बुझाउन एकल साँझ आयोजना गरिएको फाउण्डेसनका सचिव वीरेन्द्र बस्नेतले बताए । उनका अनुसार जेबी फाउण्डेसनले प्रदेश १ मा चाँडै आधुनिक रेकर्डिङ स्टुडियो पनि निर्माण गर्दैछ । त्यसका लागि प्रदेश सरकारले ४० लाख बजेट पनि विनियोजन गरेको उनले जानकारी दिए ।

लकडाउनमा काङ्ग्रेसको ...

धरान / कोरोना भाइरसको जोखिमबाट बच्न सरकारले लकडाउन ...

लकडाउनमा ब्राउन सुगर ...

मोरङ/मुलुक लकडाउन भइ ...

गायक डिल्ली फोम्बोको ...

धरान । गायक डिल्ली फोम्बोको नयाँ गीतको भिडियो रिलिज भएक ...

केकीको धमाकेदार प्रस ...

धरान । माया पुन मगरको नयाँ गीत ‘नेपालकी छोरी&rsqu ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved