सायनलाई २ लाखको पद्यश्री पुरस्कार

alt
  • भदौ १२, २०७६
  • ब्लाष्ट खबर

पथरीशनिश्चरे । मोरङको पथरी शनिश्चरेका साहित्यकार रमेश सायनलाई २ लाख रुपैयाँ राशीको पद्यश्री साहित्य पुरस्कार प्रदान हुने भएको छ ।

खेललाल हरिकला लामिछाने समाज कल्याण प्रतिष्ठान रत्ननगर चितवनले ०७५ सालको पद्यश्री साहित्य पुरस्कार सायनको निवन्धकृति ‘छुटेका अनुहारलाई प्रदान गर्ने भएको हो । युवा साहित्यकार सायनले आफैंले भेटेर छुटेका अनुहार र तिनीहरुको मनोवृत्ति गहिराईसम्म पुगेर कलात्मक हिसावले सुक्ष्म चित्रण गरेका छन् ।

पथरीशनिश्चरे ४ का उनको पहिलो पुस्तक कृति कविता संग्रह ‘भागेर भूगोलभरि’ ०७० मा प्रकाशित भएको छ । नेपाल मेडिकल साहित्य परिवारले सो कृतिका लागि सोही वर्ष साहित्य परिवार वर्ष पुरस्कार प्रदान गरेको थियो । ‘छुटेका अनुहार’ उनको दोस्रो कृति हो ।

यसैगरी, प्रतिष्ठानले इतिहासविद् तथा संस्कृतज्ञ डा. महेशराज पन्तलाई यस वर्षको पद्यश्री साधना सम्मान प्रदान गर्ने भएको छ । दुवै पुरस्कारको राशी जनही २ लाख रुपैयाँ रहेको अध्यक्ष जीवा लामिछानेद्धारा जारी विज्ञप्तिमा जनाइएको छ । पुरस्कार कोजाग्रज पूर्णिमाको दिन प्रदान गरिने छ ।

उता, कृष्णभूषण बल स्मृति प्रतिष्ठान विराटनगरबाट प्रदान गरिने २०७५ सालको कृष्णभूषण बल सिर्जना पुरस्कार आख्यानकार, साहित्यकार, कलाकार गणेश रसिकलाई र कृष्णभूषण बल युवा सिर्जना पुरस्कार कवि सुदीप पाख्रिनलाई प्रदान गरिने भएको छ ।

पुरस्कारको राशि क्रमशः पचीस हजार र एघार हजार एक सय एघार रहेको छ । पुरस्कार आगामी भदौ २८ गते विराटनगरमा समर्पण गरिने छ ।

यसैगरी, राष्ट्यि युवा सेवा कोषले यस वर्षको युवा वर्ष मोती पुरस्कार झापा दमकका धनकुटे कान्छा (शंकर चापागाईं) र काभ्रेका फुलमान बललाई प्रदान गर्ने भएको छ । भदौ १३ गते १५४ औं मोति जयन्तीका अवसरमा काठमाडौंमा हुने कार्यक्रममा ५० हजार नगद सहित पुरस्कार प्रदान गरिने उल्लेख छ ।

कोरोनाभाइरसः विश्वका ...

एजेन्सी /  जोन्स हप्किन्स यूनिभर्सिटीले सङ्कलन गरे ...

कोरोनाले अमेरिकामा ...

धरान । कोरोनाभाइरसको कारण अमेरिकामा थप एक नेपालीले ज्या ...

कोभिड १९ को राजनीति ...

धरान / विश्व स्थास्थ्य संगठनले कोभिड १९ का विषयमा अमेरि ...

रामधुनी नगरपालिकाले ...

वराहक्षेत्र / रामधुनी नगरपालिकाले लकडाउनमा दैनिक ज्यालद ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved