दुलाहा बाहुन र नेवार, दुलही दलित

alt
  • माघ २९, २०७५
  • १७,५०७ पटक पढिएको
  • सन्तोष गुप्ता

वराहक्षेत्र/ अन्तरजातीय त्यसमा पनि दलितसँग बाहुन र नेवार दुलाहा भन्दा अचम्म लाग्ला । तर, वराहक्षेत्रको चतरास्थित पुनर्वासमा आइतबार यस्तै उदाहरणीय विहे भएको छ ।  जातीय छुवाछुत र भेदभावले ग्रसित नेपाली समाजमा बाहुन र नेवार दुलाहाले दलित युवतीलाई एकै मण्डपमा विहे गर्र्दै उदाहरण पेश गरेका हुन् ।

वराहक्षेत्रको पुनर्वासमा मोहन शर्मा र संजिप श्रेष्ठले एकै घरको दिदीबहिनीसँग विहे गरेका हुन् । मोहनले माइली बहिनी रञ्जनासँग विहे गर्दा संजिपले जेठी बहिनी सृजना बराइलीसँग लगनगाँठो कसे । सिर्जना र संजिपबीच स्कुल पढ्दैदेखि मायाप्रेम झाँगिएपछि उनीहरूले यसअघि नै विहे गरेको बुबा बलबहादुर बराइलीले बताए ।

तर, औपचारिक रूपमा भने आइतबार मात्रै विहे भएको छ । यता रञ्जनाले फेसबुकमार्फत् मोहनसँग चिनजान भएपछि दुवैले विहे गर्ने निधो गरेको बुबा बलबहादुर बताउँछन् । अमेरिकाको पेन्सलियामा बस्दै आएका मोहनले एकै मण्डपमा विहे गर्नेबारे आफ्ना साढुदाइ सुजीपसँग सल्लाह गरे । सोहीअनुरूप उनी दुई दिनअघि मात्रै अमेरिकाबाट आइपुगेका हुन् ।

झापा बिर्तामोड निवासी मोहन जन्ती लिएर आइपुगे । यता संजिप पनि जन्ती लिएर एकसाथ भेला भए । संजिपका अनुसार आमाबुबा विहेको लागि पहिले नै राजी भए पनि समाजको डरले चुप भए पनि अहिले आएर विहे गर्दा फरक अनुभव भयो । अमेरिकामा बसेका मोहनलाई भने त्यस्तो अवरोध नआएको बताए ।

उनीहरूले मण्डपमा साथ जिउने मर्न कसम खादै सात फेरा लगाए । अनौठो संयोग भनौ, दश वर्ष अगाडि सुजीप र मोहन पत्रमित्रताबाट चिनजान भएका थिए । उनै संजिप र मोहन अहिले साढुदाइ–साढुभाइ बनेका छन् ।

पण्डित ओमजीत गजमेरलाई सघाउँदै भेटिएका दलित सेवा सङ्घ वराहक्षेत्रका अध्यक्ष लंकमान विकले समाजमा कुरीति हटाउन यस्ता विहे उदारहणीय बनेको बताए । २१ औं शताब्दीमा यस्ता कुरीति चीर्नु आवश्यक रहेको बेहुलाद्वयले बताए ।

‘समाजमा मर्दा पर्दा सारोगाहे पर्दा मान्छे नै चाहिन्छ जात त चााहिदैन् । अनि किन यस्तो विभेद ? हामी यस्ता कुरिती लाई चुनौती दिन नै विावह गरेका हौं ।’ बेहुलाद्वयले भने ।

महिला गर्भवती भए १५ ...

झापा । झापाको बाह्रशदी गाउँपालिकाले गर्भवती महिलालाई एक ...

यसरी हुदैं छ स्थानीय ...

जाजरकाेट / सडक निर्माणको बिल पास गरिदिने भन्दैं उपभोक्त ...

दुर्घटना रोक्न सेचतन ...

विराटनगर /  पछिल्लो समय सवारी दुर्घटना बढन थालेपछि ...

कोरोना भाइरसः यो कति ...

विज्ञानलाई हालसम्म थाहा नै नभएको एउटा भाइरसले चीनमा अहि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved