अन्तर्राष्ट्रिय समाचार स्राेतका अुसार यसरी बर्खास्त हुनेमा साढे बाह्र हजार सेना र प्रहरी सहित सरकारी गैरसैनिक कर्मचारी र विश्वविद्यालयका प्राध्यापकहरु समेत रहेका बताइएको छ ।
आतङ्ककारी समूह या संगठनहरुसँग सम्बन्ध रहेको भन्दै सरकारकाे आकस्मिक रुपमा अाएकाे साे निर्देशिका नौ हजार जना प्रहरी मात्र रहेका बताइएको छ । बर्खास्त प्रहरीमा अधिकृति स्तरका कर्मचारी धेरै रहेका छन् । बर्खास्त भएकामा ३ हजार ७७ जना सैनिकहरू जसमा १ हजार ९४९ जना हवाई सैनिक र १ हजार १२६ जना जलसैनिक , १ हजार ५२ जना निजामति कर्मचारी अधिकृत र विद्यालयका २०० जना प्राध्यापक र शिक्षक सो सरकारी निर्देशिका अनुसार बर्खास्त हुनेमा परेका बताइएको छ । सन् २०१६ को जुलाई महिनामा टर्कीका राष्ट्रपति रिसेप तैयब एर्दाेगानका विरुद्धमा यहाँ सैनिक विद्रोहको असफल प्रयास भएको थियो । त्यसपछि भने राष्ट्रपति एर्दाेगानले आफ्ना विरोधी मानिएका सेना, प्रहरी, गैरसैनिक कर्मचारी तथा विश्वविद्यालयका प्राध्यापकहरुलाई जेलहाल्ने, सेवाबाट बर्खास्त गर्ने तथा अरु विविध खालको कारबाही गर्नुभएको थियो । त्यस समयदेखि आजसम्म अर्थात २ वर्षसम्म यहाँ सङ्कटकालीन अवस्थाको घोषणा गरिएको छ । यो अवस्थाको कम्तीमा पनि सात पटकसम्म अनुमोदन गरिएको छ । अहिले पनि यहाँ सङ्कटकालीन अवस्था नै छ । राष्ट्रपति एर्दाेगानले आफ्ना विरुद्ध गरिएको यो असफल प्रयासको फाइदा उठाउँदै देशभित्र आफ्ना सबै विरोधीहरुलाई सक्ने अभियान नै चलाएको भन्दै उहाँको कदमको व्यापक मात्रामा विरोध भएको छ ।
