इजरायल भ्रमणमा जापानी प्रधानमन्त्रीलाई जुत्तामा पस्केर दिइयो खाना !

alt
  • बैशाख २६, २०७५
  • १४ पटक पढिएको
  • ब्लाष्ट खबर

जेरुसेलम/ इजरायल भ्रमणका क्रममा जापानी प्रधानमन्त्री सिन्जो आबेलाई जुत्तामा पस्किएर खाना दिइएको विषय अन्तर्राष्ट्रिय संचारमाध्यममा छाएको छ ।  इजरायली प्रधानमन्त्री बेन्जामिन नेतन्याहुका साथ भोजन गर्दा जापानी प्रधानमन्त्री आबेलाई केही परिकार जुत्तामा पस्किएर दिइएको तस्वीर विभिन्न संचारमाध्यमले प्रकाशित गर्दै इजरायलले ‘पाहुनाको अपमान’ गरेको ठहर गरेका छन् ।

इजरायली सेलिब्रेटी शेफ मोशे सेगेभले जापानी प्रधानमन्त्री र इजरायली प्रधानमन्त्रीका लागि भोजनका परिकार तयार पारेका हुन् । उनले केही परिकार धातुका ‘जुत्ता’मा पस्किएका थिए । जापानी संस्कृतिमा जुत्तालाई अपमानजनक मानिन्छ ।

जापानी प्रधानमन्त्री आबेले हिच्किचाहट विना नै ती परिकार खाएका थिए । तर जापानी र इजरायली कुटनीतिज्ञहरुले जापानी प्रधानमन्त्रीमाथि भएको यस्तो व्यवहारको निन्दा गरेका छन् । जापानमा लामो समयसम्म बसेका एक वरिष्ठ इजरायली कुटनीतिज्ञले इजरायली अखबार येदियोत अहरानोतसँग भने, ‘यो एक असमवेदनशील र बेवकुफीपूर्ण काम हो ।’

उनले भने, ‘जापानी संस्कृतिमा जुत्ताभन्दा तुच्छ अरु केही हुँदैन, जापानीहरु आफ्नो घर तथा कार्यालयमा जुत्ता भित्र्याउँदैनन्, त्यहाँका प्रधानमन्त्री, मन्त्रीहरु र सांसदहरु पनि आफ्नो कार्यालयभित्र जुत्ता लगाएर जाँदैनन् ।’

एक जापानी कुटनीतिज्ञले पनि सोही अखबारसँग भनेका छन्, ‘कुनै पनि संस्कृतिमा जुत्तालाई टेबलमा राखिदैंन, आखिर त्यो शेफको दिमागमा के चलिरहेको थियो ? यो कुनै मजाक हो भने यस्तो मजाक हामीलाई राम्रो लागेन । हाम्रा प्रधानमन्त्रीमाथि भएको यस्तो व्यवहारलाई लिएर हामी खुशी हुन सक्दैनौं ।’

गत साता जापानी प्रधानमन्त्रीको सम्मानमा इजरायली प्रधानमन्त्रीले दिएको भोजमा यसरी जुत्तामा खाना पस्किएको हो । (एजेन्सी)

कार्यवहाक मेयर भण्डा ...

धरान / जनसहभागितामा धरान–१५ स्थित बाँझगरा मा ...

‘नेपाल आइडल’को फाइन ...

धरान  / सिङगिङ रियालिटी शो ‘नेपाल आइडल& ...

धरानमा मोटरसाईकल दुर ...

धरान / धरान–१२ स्थित नेपाल टेलिकम कार्यालय अगाडी ...

निःशुल्क सीप परीक्षण ...

धरान /  सरकारले विदेशमा विभिन्न सीप सिकेर फर्केक ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved