भद्रपुर चिसो बढेसँगै कैदीबन्दीलाई ध्यानमा राखेर नेपाल रेडक्रस सोसाइटी झापा शाखाले जाडोका सामग्री सहयोग गरेको छ । टोलीले बुधबार कम्बल एक सय थान, त्रिपाल २० थान र मेट्रेस एक रोल झापा कारागारलाई सहयोग गरेको हो ।
केही दिन यताबाट जाडो बढेपछि कैदीबन्दीलाई जाडोबाट बचाउन सामग्री सहयोग गरिएको शाखा सभापति लोकराज ढकालले जानकारी दिए । जाडोका सामग्री कारागार प्रशासनले बुझिसकेकोले बिहीबार वितरण गरिने जेलर सावित्री बस्नेतले बताइन् । मङ्गलबार पनि कैदीजीवन बिताइरहेका आफन्तलाई २० थान कम्बल आफन्तले सहयोग गरेको उनले जानकारी दिइन् ।
हाल कारागारमा एक हजार २ सय चौध पुरुष र ३ बालबालिकासहित ७८ जना महिला रहेको कारागार प्रशासनले जनाएको छ ।
