टिकटकमा रमाउँदै कोरोना सङ्क्रमित

alt
  • भदौ २९, २०७७
  • धनबहादुर पुरी

इटहरी/ धेरैलाई लागेका होला कोरोना सङ्क्रमण देखिएपछि आइसोलेसनमा बसेका बिरामी मानसिक तनावमा होलान्, त्रसित होलान् । परिवारमा चिन्ता होला । तर, समाजमा चिनिएका इटहरीका केही कोरोना सङ्क्रमितहरू भने होम आइसोलेसनमै टिकटक बनाएर नाचेर, गाएर दिन बिताइरहेका छन् ।

उनीहरूलाई कोरोना सङ्क्रमण पुष्टि भएपछि क्वारेण्टिनबाट आइसोलेसनमा आएदेखि नै उनीहरू यसरी रमाइरहेका छन् । इटहरीका सञ्चार उद्यमी समिर कार्की अहिले घरमै परिवारसँग टिकटकमा रमाइरहेका छन् । केही दिनअघि समिरको परिवारका सबैमा कोरोना सङ्क्रमण देखिएको थियो । आफूलाई मन भुलाउने माध्यम नै टिकटक भएको उनी सुनाउँछन् । ‘दिनभरि घरमा बस्दा–बस्दा दिक्क लाग्छ, रमाइलो गर्ने माध्यम यही टिकटक भएको छ’ –उनले भने ।

सङ्क्रमणपछि होम आइसोलेसनमा रहेका समिर भन्छन्, ‘दिन कटाउन अहिले टिकटक बनाएर नाचेर, गाएर रमाइलो गरिरहेको छु ।’ सङ्क्रमण पुष्टि भएपछि सङ्क्रमितहरू मानसिक तनावमा हुने र भरसक रोग लुकाउने प्रयासमा हुन्छन् । तर, समिर भने आफू सङ्क्रमित भए पनि समाजमा सकारात्मक सन्देश दिन टिकटक तथा सामाजिक सञ्जालमा रमाइरहेको बताउँछन् ।

समिरको श्रीमती कञ्चन थापा भन्छिन्, ‘मानसिक तनाव लिनुभन्दा सामाजिक सञ्जाल र टिकटकमा रमाउने गरेका छौं ।’ उनी कोरोनालाई जित्न उच्च मनोबल र कोरोना परास्त गर्न टिकटक बनाइरहेको बताउँछिन् । परिवारजन, आफन्त र समाजमा कोरोनाको त्रास बढिरहे पनि समिरका परिवारका सङ्क्रमितहरू भने उच्च आत्मबलसहित रमाइरहेका छन् । ‘श्रीमान् र परिवारसँग अहिले रमाइलो गरेर कोरोनासँग लड्दै आएको छु’–उनले भनिन् ।

कोरोना सङ्क्रमित अर्को जोडी इटहरी–२० तरहराकी वडा कार्यालयकी कर्मचारी सुनिता राई र श्रीमान् राजुबाबु ढकालले पनि अहिले टिकटकमा रमाइरहेको भिडियो सार्वजनिक गरिरहेका छन् । अहिले दैनिक टिकटक बनाएर रमाइलो गरिरहेको ढकाल बताउँछन् । ‘नहुनु सङ्क्रमित भइहालियो अहिले रमाउँदै कोरोना जित्नुको विकल्प रहेन’–उनी भन्छन् । समाजमा कोरोना सङ्क्रमितलाई हेर्ने नजर परिवर्तन गर्दै सहज रूपमा लिए कोरोना जित्न सकिने उनी बताउँछन् । मानसिक तनाव लिनुभन्दा रमाइलो र सामाजिक सञ्जालमा व्यस्त हुँदै आएको ढकाल बताउँछन् । कोरोना सङ्क्रमितलाई हेलाभन्दा माया गरेर अगाडि बढ्न उनको आग्रह छ ।

अरू बेला पनि टिकटक बनाइरहने सुनिता राई भन्छिन्, ‘कोरोनालाई सहज जित्न हामी घरमै परिवारसँग रमाइरहेका छौं ।’ तनावमा रहनुभन्दा बरु आत्मबलका साथ सबैलाई प्रेरणा दिने गरी टिकटकमा रमाइरहेको राईले बताइन् । परिवार र समाजमा कोरोना सङ्क्रमणबाट फैलिएको त्रास मेटाउन र आफू स्वस्थ रहन यसरी टिकटक र भिडियो बनाएको राईको भनाइ छ ।

खोलाले बगाएर एक महिल ...

उदयपुर/ उदयपुर रौतामाई-२ स्थितमा बस्ने ५५ बर्षीया लुङगे ...

धरानमा १३ जनामा कोरो ...

धरान/ धरान उपमहानगरपालिकाका कर्मचारी, प्रधानाध्यापक र प ...

विकास, समृद्धि र सुश ...

सन् १९८५ मा भएको अन्तर्राष्ट्रिय युवा भेलाले १५ देखि २४ ...

पहिरोबाट दुई घर विस् ...

धनकुटा/ धनकुटा नगरपालिका वडा नं. ६ फोक्ल्याण्ड टापुमा भ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved