रुपन्देही / रुपन्देहीको क्रिमसन अस्पतालमा उपचाररत गुल्मीका कोरोना संक्रमितको स्वास्थ्यावस्था गम्भीर छ । मदाने गाउँपालिकाका ४१ वर्षीय पुरुषको भेन्टिलेटरको सहायतामा सघन उपचार कक्षमा उपचार भइरहेको अस्पतालले जनाएको छ ।
अस्पतालले विज्ञप्ति जारी गरी बिरामीबारे जानकारी गराएकाे छ । उनी एक हप्तादेखि ज्वरो तथा टाउको दुखाइको समस्या भएपछि यही जेठ १ गतेदेखि अस्पतालमा भर्ना भएका थिए । मदानेको एक विद्यालयका प्रधानाध्यापक उनीमा सोमबार कोरोना संक्रमण पुष्टि भएको थियाे । उनकाे भेन्टिलेटरमा उपचार भइरहेकाे छ ।