पत्रकार काफ्लेमाथिको आक्रमणचौतर्फी विरोध, यसो भन्छ मुलुकी अपराध संहिता २०७४

alt
  • मंसिर २८, २०७६
  • १९९ पटक पढिएको
  • ब्लाष्ट खबर

धरान ।  पत्रकार सन्तोष काफ्लेमाथि आक्रमणमा संलग्न आरोपितलाई कुटपिट तथा अङ्गभङ्गमा मुद्दा दायर भएको छ ।
धरान–१२ स्थित सल्लेरी बचत तथा ऋण सहकारी संस्थाका पीडितहरूको सङ्घर्ष समितिका अध्यक्षसहित ६ जनाविरुद्ध मुद्दा दर्ता भएको हो । पीडित काफ्लेले ६ जनामाथि शुक्रबार उजुरी हालेको इलाका प्रहरी कार्यालय धरानका डिएसपी ढुण्डीराज न्यौपानेले बताए । इप्रका धरानले पत्रकार काफ्लेमाथि आक्रमण गर्नेमध्ये चारजनालाई बिहीबार केही घण्टापछि नै नियन्त्रणमा लिएको थियो । समितिले बिहीबार ११ बजे गर्न लागेको पत्रकार सम्मेलनमा ढिला गरी आएको भन्दै पत्रकार काफ्लेमाथि साङ्घातिक आक्रमण गरेका थिए । आक्रमणमा संलग्न समितिका अध्यक्ष तुलसीबहादुर विक, सचिव नरेश साही ठकुरी, दीपक राई र सङ्गीता राईलाई पक्राउ गरिएको थियो ।

पीडित पत्रकार काफ्लेले थप दुई जनाको नाम उजुरीमा उल्लेख गरेपछि उनीहरूलाई पनि पक्राउका लागि अदालतबाट आदेश ल्याइसकेको डिएसपी न्यौपानेले बताए । ‘६ जनाविरुद्ध उजुरी दिनुभएको छ, हामीले थप २ जनालाई पक्राउ गर्नका लागि अदालतबाट आदेश पनि ल्याइसकेका छौं, उनीहरू चाँडै पक्राउ हुन्छन्’–उनले भने । पत्रकार काफ्लेको आँखा तथा नाकमा गम्भीर चोट लागेको छ । आँखाको आँशु बग्ने नली च्यातिएकाले थप उपचारको लागि उनलाई विराटनगर आँखा अस्पतालमा लगिएको छ । ‘शल्यक्रिया गरियो, आँशु बग्ने दुई वटा नली लगाउनु प¥र्यो’ पीडित पत्रकार काफ्लेले भने ।

मुलुकी अपराध संहिता २०७४ को परिच्छेद १४ को कुटपिट वा अङ्गभङ्गसम्बन्धी कसूरको दफा १९२ को उपदफा ४ मा अङ्गभङ्ग गरेमा १० वर्षसम्म कैद र एक लाख रुपैयाँसम्म जरिवाना हुने व्यवस्था छ । उपदफा ५ मा कुनै एउटा अङ्ग बेकम्मा पारी दिएको भए आधा सजाय अर्थात् ५ वर्ष कैद हुने र अङ्गभङ्ग भएको खत निको भई काम लाग्ने भएमा तीन वर्षसम्म कैद र तीस हजार रुपैयाँसम्म जरिवाना हुने व्यवस्था रहेको डिएसपी न्यौपानेले बताए ।

काफ्लेमाथि भएको आक्रमणको चौतर्फी रूपमा विरोध भएको छ । विभिन्न सङ्घ–संस्थाहरूले विज्ञप्ति जारी गर्दै घटनाको ध्यानाकर्षण भएको जनाएका छन् । उनीहरूले दोषीलाई कडाभन्दा कडा कारबाहीको माग गरेका छन् । पीडितहरूकै समाचार सङ्कलनका लागि पुग्दा उल्टो हातपात गरिनु निन्दनीय कार्य भएको भन्दै आपत्ति जनाएका छन् ।

dafa

बराह ज्वेलरीमा बालबा ...

धरान / धरानको बराह ग्रुपले धरानमा बालबालिका लागि सैलुन ...

पाँचौ पानवारी भलिबलक ...

धरान /  पानवारी भलिबल कपको पाँचौ संस्करणको उपाधी ब ...

पार्टी नेतृत्व नसच्च ...

विराटनगर / नेपाली कांग्रेसकी केन्द्रीय सदस्य सुुजा ...

कवि राजकुमार कार्कीक ...

इटहरी / इटहरीमा बरिष्ठ कवि तथा पत्रकार राजकुमार का ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved