धरान /कोशी प्रदेशका मुख्य न्यायाधीवक्ता रूपेश कोइरालालाई बर्खास्त गरिएको छ ।
कोशी प्रदेशका मुख्यमन्त्री हिक्मतकुमार कार्की नेतृत्वको मन्त्रिपरिषद्को सिफारिसमा आइतबार न्यायाधीवक्ता कोइरालालाई बर्खास्त गरिएको हो।
प्रदेश प्रमुख पर्शुराम खापुङले न्यायाधीवक्ता कोइरालालाई आइतबार बर्खास्त गरेका हुन् । नेपालको संविधानको धारा १६८ को उपधारा ५ अनुसार वैशाख २६ गते मुख्यमन्त्री बनेका कार्कीले वैशाख २८ गते पदमुक्त गर्न सिफारिस गरेका थिए। सोही सिफारिसअनुसार प्रदेश प्रमुख खापुङले कोइरालालाई पदमुक्त गरेको सूचना आइतबार प्रकाशित गरेका छन् ।
कोइरालालाई मुख्य न्यायाधीवक्तामा निवर्तमान मुख्यमन्त्री केदार कार्कीले २०८० पुस २१ ग्ते नियुक्त गरेका थिए । मुख्यमन्त्रीको कानूनी सल्लाहकारको रूपमा मुख्य न्यायाधीवक्ता रहने व्यवस्था छ।
![](/uploads/advertise/online ad_1719397537.jpg)
कोइरालाले नयाँ सरकार गठन भइसक्दा पनि राजीनामा बुझाएका थिएनन्। उनी नयाँ सरकार संविधानमै नभएको उपधारा प्रयोग गरी मुख्यमन्त्री बनेको भन्दै सर्वोच्च अदालतमा बहसका लागि पुगेका थिए ।