रोपाइँ जात्राको अवसरमा आज धरानमा जात्रा निकालिएको छ । खड्गी सेवा समाजको आयोजनामा खड्गी युवा जमातले रोपाइँ जात्राका अवसरमा जात्रा निकालेका हुन् । जात्राले धरान नगर परिक्रमा गरेको छ ।
![Dharan ropai jatra4](https://blastkhabar.com/uploads/2023/09/dharan-ropai-jatra4.jpg)
गाईजात्राको भोलिपल्ट मनाइने रोपाइँजात्रा महत्वपूर्ण पर्व मध्य एक पर्छ । यस जात्रामा पुरुषहरु महिलाको भेष धारण गरी धान रोपेको अभिनय गर्ने गर्छन् ।
प्रौढदेखि साना केटाहरु महिलाहरुको नक्कल गरी धान रोप्ने, कोही गोरु हुने, कोही बाउसे हुने साथै कोेही खेतालाहरुलाई खाजा खुवाउन आउने जस्ता अभिनय गर्छन् ।
![Dharan ropai jatra2](https://blastkhabar.com/uploads/2023/09/dharan-ropai-jatra2.jpg)
किसानको जीवनलाई जीवन्तरुपमा प्रस्तुत गर्ने जात्राका रूपमा यस रोपाइँ जात्रालाई लिने गरिएको छ ।
भाद्रकृष्ण द्वितीयाको दिन मनाइने रोपाइँजात्रामा एक वर्षभित्र मृत्यु भएका घरबाट लाठे रोपार निकाली मनाइने गरिएको छ । रोपाइँ जात्रा मनाए मृतकको आत्माले शान्ति पाउने विश्वास रहिआएको छ ।
![Dharan ropai jatra1](https://blastkhabar.com/uploads/2023/09/dharan-ropai-jatra1.jpg)
प्रताप मल्लको पालादेखि नै गाईजात्राको भोलिपल्ट रोपाइँजात्रा मनाउन सुरु गरिएको मान्यता छ ।