दश कक्षा पढेकाले ‘पीएचडी’ को नाममा बाह्रसयलाई ठगी

alt
  • पुष २९, २०७७
  • ब्लाष्ट खबर

धरान । दश कक्षा पढेका धनुषाका एक व्यक्तिले आफू साहित्यमा विद्यावारिधि गरेको भन्दै सुनसरीको इनरुवामा मात्रै करिब १२ सयजना ठगी गरेका छन् । 

क्यानडास्थित टोरन्टो विश्वविद्यालयबाट विद्यावारिधि (पीएचडी) गरेको भनी ठगी गर्ने धनुषा गणेशमान चारथान नगरपालिका ८ का ४७ वर्षीय रामवली दनुवारलाई पक्राउ गरिएको हो । उनले सीप सिकाउने बाहानामा ११ सय ९७ जनालाई ठगी गरेको सूचनाको आधारमा पक्राउ गरिएको जिल्ला प्रहरी कार्यालय सुनसरीले जनाएको छ । 


इनरुवा १ बजारमा उनले सीप परीक्षणसम्बन्धी शाखा कार्यालयमार्फत् सर्वसाधारण ठगी गरेका थिए । उक्त सीप परीक्षणको प्रधान कार्यालय प्रदेश ५ को रुपन्देहीको भैरहवामा रहेको छ । सरस्वती सिलाइ प्रशिक्षण केन्द्र नामको शाखा कार्यालय खोलेर सर्वसाधारण ठगी गर्दै आएका थिए । उनले डा. रामवली कुमार सिंह नाम भएको बताउने गरेका थिए । 

प्रशिक्षण गराउनका लागि उनले ३७ जना कर्मचारी पनि नियुक्त गरेका थिए । फिल्ड कर्मचारीदेखि विभिन्न पदका व्यक्तिहरूलाई कर्मचारी नियुक्त गरे पनि तलब दिएका थिएनन् । ११ हजार रुपैयाँदेखि ५४ हजार रुपैयाँसम्म तलब दिने आश्वासन दिएको प्रहरीले जनाएको छ । उनले सुनसरी, सप्तरी, सिरहा, धनुषा, महोत्तरीमा शाखा कार्यालय खोलेको बताउने गरेका थिए । प्रधान कार्यालय भैरहवामा ५९११ दर्ता नम्बर रहे पनि प्रहरीले अनुसन्धानका क्रममा यो नम्बरमा कुनै पनि संस्था दर्ता नभएको खुलाएको छ । 

सर्वसाधारणलाई प्रशिक्षण लिन आएबापत १ सय रुपैयाँ दस्तुर र राहत कोषमा दिनुपर्ने भन्दै प्रतिव्यक्ति १ हजार रुपैयाँ लिँदै आएका थिए । आफूलाई कम्पनीको महानिर्देशक बताउने उनले १ लाख डलर मासिक पारिश्रमिक लिने गरेको सर्वसाधारणलाई बताउँदै झुक्यानमा पार्ने गरेको जिल्ला प्रहरी कार्यालय सञ्चार शाखाले जनाएको छ । 

प्रहरीले इनरुवा १ मा भाडा लिएर सञ्चालनमा ल्याएको शाखा कार्यालयमा छापा मार्दा कम्पनीको लेटरप्याड, छाप, विभिन्न व्यक्तिको नागरिकताको छायाप्रति (फोटोकपी), स्ट्याम्पलगायत सामग्री बरामद गरेको छ । दनुवारलाई पक्राउ गरी जिल्ला अदालत सुनसरीबाट ठगी मुद्दामा म्याद थप गरी अनुसन्धान सुरु गरिएको छ । प्रहरीका अनुसार अनुसन्धानबाट अन्य ठगिएको पनि हुनसक्ने अनुमान गरिएको छ । 

उनले क्यानडाको तिलिजा रोबर्ट नामक संस्थासँग समन्वय गरी प्रशिक्षण समूह निर्माण गर्ने, सिलाइबुनाइ, मैनबत्ती बनाउने, साबुन बनाउने प्रशिक्षण दिने बताउँदै ठगी गर्दै आएका थिए । 

संसदीय व्यवस्था र स ...

बेलबारी । नेकपा (क्रान्तिकारी माओवादी) महासचिव मोहन वैद ...

'कोभिसिल्ड’ले पायाे ...

ब्लाष्टखबर । औषधि व्यवस्था विभागले भारतमा उत्पादन ...

इस्टुको माग सम्बोधन ...

भद्रपुर ।  संस्थागत विद्यालय शिक्षक युनियन (इस्टु) ...

नेपाल– भारत पेट्रोल ...

ब्लाष्टखबर । नेपाल– भारत  पेट्रोलियम पाइपलाइनमा प् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2021 - Blastkhabar.com All rights reserved