खेलाडीमाथि हातपात गर्नेलाई कारबाहीको दायरामा ल्याउने प्रतिबद्धता

alt
  • भदौ १५, २०७७
  • ब्लाष्ट खबर

बिर्तामोड/ राष्ट्रिय खेलाडी चन्द्रकला लाम्गादेमाथि भएको कुटपिटको घटनामा संलग्न दोषीलाई कारबाहीको दायरामा ल्याएरै छोड्ने प्रतिबद्धता संयुक्त राजनीतिक दलित सङ्घर्ष समितिले गरेको छ । पीडित पक्षलाई न्याय दिलाउने पक्षमा कुनै कसुर बाँकी नराखिने प्रतिबद्धता समितिको छ ।

मेचीनगर–१३ स्थित चारआलीमा गत भदौ ८ गते राति चन्द्रकला र उनका श्रीमान् सुमन खातीमाथि जातीय गालीगलौज गर्दै कुटपिट गरेको घटना सार्वजनिक भएको थियो । सोही स्थानका दुर्गा श्रेष्ठ र उनकी पत्नी विष्णुमाया श्रेष्ठले आफूहरूमाथि जातीय गालीगलौज र अपशब्द प्रयोग गर्दै कुटपिट गरेको भन्दै पीडित परिवारले इलाका प्रहरी कार्यालय धुलाबारीमा उजुरी दर्ता गरेको थियो । त्यसलगत्तै पीडक श्रेष्ठ दम्पतीलाई प्रहरीले पक्राउ गरी अनुसन्धान सुरु गरेको छ ।

दलित सङ्गठन तथा अधिकारकर्मीहरूले पीडितलाई न्याय दिलाउने विषयमा इलाका प्रहरी कार्यालय धुलाबारीका प्रहरी निरीक्षक कैलाश चौधरीले घटनालाई ढाकछोप गर्दै अनुसन्धानलाई तोडमोड गर्ने काम गरेको आरोपसमेत लगाएका छन् । उनले पीडकसँगको मिलेमतोमा उनीहरूलाई हिरासतमा नराखेर अस्पतालमा बस्न दिएको पनि बताएका छन् ।

संयुक्त राजनीतिक दलित सङ्घर्ष समिति झापाका अध्यक्ष हुकुम नेपालीले घटनाको बारेमा जातीय भेदभाव तथा छुवाछुत कसुर ऐन २०६८ बमोजिम मुद्दा दर्ता भइसकेको बताउँदै पीडितलाई न्याय दिलाउने सवालमा कुनै पनि सम्झौता र सहमति हुन नसक्ने बताए । पीडित परिवारका अनुसार मुद्दा फिर्ता लिन पीडककोतर्फबाट आर्थिक प्रलोभनसहितको दबाव आइरहेको उनले बताए ।

मेचीनगर कार्यपालिका सदस्य निरु परियारले अहिलेको समयमा समेत यस्ता घटना हुनुले नेपालमा जातीय भेदभाव कुन स्थितिसम्म रहेको छ भन्ने देखाएको बताउँदै अब आगामी दिनमा यस्ता घटना नदोहोरियोस् भन्नका लागि समेत झापाका विभिन्न दलित सङ्गठनहरूले संयुक्तरूपमा मुद्दा दर्ता गराएको बताइन् ।

अधिकारकर्मी सुरेश बराइली, मुक्ति समाज झापाका अध्यक्ष भोला परियार, दलित उत्थान समन्वय समिति अध्यक्ष ध्रुव कनाललगायतले धारणा राख्दै पीडितलाई न्याय दिलाउने क्रममा सहयोग पुर्याउन सम्बन्धित सबैमा आग्रह गरेका थिए ।

७ महिनाको गर्भवती अवस्थामा रहेकी एथलेटिक्सकी कर्तीमानी राष्ट्रिय खेलाडी लाम्गादेले घटना भएको दिनदेखि नै आफूलाई पेट फुल्ने समस्या भएको र श्वास–प्रश्वासमा समेत असहज भएको बताइन् । पीडित चन्द्रकला लाम्गादे उपचारपछि अहिले अस्पतालबाट डिस्चार्ज भएकी छन् । उनले आठांै राष्ट्रिय खेलकुद प्रतियोगितामा दुईवटा स्वर्ण पदक हासिल गरेकी थिइन् । नेपाल प्रहरीमा कार्यरत उनी गर्भवती भएका कारण इलाका प्रहरी कार्यालय धुलाबारीमा हाजिर गर्ने गरी काज बिदामा छिन् ।

खोलाले बगाएर एक महिल ...

उदयपुर/ उदयपुर रौतामाई-२ स्थितमा बस्ने ५५ बर्षीया लुङगे ...

धरानमा १३ जनामा कोरो ...

धरान/ धरान उपमहानगरपालिकाका कर्मचारी, प्रधानाध्यापक र प ...

विकास, समृद्धि र सुश ...

सन् १९८५ मा भएको अन्तर्राष्ट्रिय युवा भेलाले १५ देखि २४ ...

पहिरोबाट दुई घर विस् ...

धनकुटा/ धनकुटा नगरपालिका वडा नं. ६ फोक्ल्याण्ड टापुमा भ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved