बार्सिलोना छाड्न मेस्सीले दिए पत्र

alt
  • भदौ १०, २०७७
  • ब्लाष्ट खबर

धरान । बार्सिलोनाबाटै खेल जीवनको अन्त्य गर्न चाहेका अर्जेन्टिनी स्टार लियोनल मेस्सी एकाएक क्लब छाड्न खोजेको खबर बाहिरिएको छ ।

यतिसम्म कि उनले बार्सिलोनालाई क्लब छाड्न चाहेको पत्र नै पठाइसकेको चर्चा छ । यस सिजनमा निकै खराब समय बेहारिरहेको बार्सिलोनाले युरोपियन च्याम्पियन्स लिगको क्वार्टर फाइनलमा जर्मन क्लब बायर्न म्यूनिकसँग ८–२ को लज्जाजनक पराजय भोगेको थियो ।

त्यसयता मेस्सी निकै चिन्तित देखिन्थे । उनी क्लबको पहुँचबाहिर रहेका छन् । उनले आफ्नो खेल जीवनको निकै महत्त्वपूर्ण समय बार्सिलोनाका लागि खर्चेका छन् ।

तर, हालै बाहिरिन चाहेको उनका वकिलहरूले क्लबसँग भएको करारमा ‘जान दिन मिल्ने प्रावधान’ प्रयोग गर्न आग्रह गरिएको छ । यता बार्सिलोनाले उक्त प्रावधान गएको जुन महिनामै अन्त्य भएको दाबी गरेको छ ।

यो सिजनमा स्पेनिस ला लिगामा पनि नराम्रो पराजय भोगेको थियो । रियल मड्रिडले उपाधि जितेलगत्तै उनले निकै नमिठो प्रतिक्रिया दिएका थिए । क्लबको नेतृत्वसँग उनी निकै रुष्ट भएको समाचार बाहिरिएको थियो ।

६ पटक बालुन डिओर विजेता मेस्सी सन् २००४ देखि बार्सिलोनामा रहेको व्यवसायिक फुटबल खेल्दै आएका छन् । यो अवधिमा चार पटक च्याम्पियन्स लिग जिताउन उनले महत्त्वपूर्ण भूमिका निर्वाह गरेका थिए ।

मेस्सीसँग क्लबले सन् २०२१ सम्म सम्झौता गरेको छ । करार अवधि अझै केही समय रहेकाले उनलाई किन्न चाहने क्लबले ७० करोड युरो खर्च गर्नुपर्ने बताइन्छ । अहिले इलालियन जाइन्ट्स युभेन्टसले इच्छा देखाएको खबर पनि बाहिरिएको छ । जहाँ अर्को फुटबलका हस्ती क्रिष्टियानो रोनाल्डो पनि छन् ।

क्लबले भरसक मेस्सीलाई मनाउन चाहेको बुझिन्छ । क्लबका अध्यक्ष जुजेप मरिआ बर्टोमेयोसँगको टकराब नै मेस्सीको क्लब छाड्ने निर्णय भएको बताइन्छ । उनको राजीनामा र अर्को चुनाव तत्कालै भए मेस्सी पुनः क्लबमै रहेर खेल जीवनको सुखद् अन्त्य गर्नेछन् ।

तर, बीबीसीका अनुसार क्लब छाड्ने मनस्थितिमा उनी छन् । मेस्सी १३ वर्षको उमेरमा बार्सिलोना आइपुगेका हुन् । उनी त्यो अवधिमा रोगसँग जुधिरहेका थिए । अर्जेन्टिनाको निवेल्स ओल्ड बोइजबाट उनलाई बार्सिलोना ल्याइएको थियो ।

त्यसयता उनले क्लबका लागि ७३१ खेलमा ६३४ कीर्तिमानी गोल गरेका छन् । १० पटक ला लिगा उपाधि दिलाउँदा बार्सिलोनाका लागि उनले ३४ वटा ठूला उपाधि जिताएका छन् । ला लिगामा ४४४ गोल गरिसकेका उनकै नाम अग्रपंक्तिमा छ ।

खोलाले बगाएर एक महिल ...

उदयपुर/ उदयपुर रौतामाई-२ स्थितमा बस्ने ५५ बर्षीया लुङगे ...

धरानमा १३ जनामा कोरो ...

धरान/ धरान उपमहानगरपालिकाका कर्मचारी, प्रधानाध्यापक र प ...

विकास, समृद्धि र सुश ...

सन् १९८५ मा भएको अन्तर्राष्ट्रिय युवा भेलाले १५ देखि २४ ...

पहिरोबाट दुई घर विस् ...

धनकुटा/ धनकुटा नगरपालिका वडा नं. ६ फोक्ल्याण्ड टापुमा भ ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved