Trending Tags

कुम्मायक–कुसायक धार्मिक क्षेत्रमा करोड बढी लगानी

alt
  • भदौ ३, २०७७
  • रमेश थापा

यासोक/ पाँचथरको कुम्मायक–कुसायक धार्मिकस्थलमा पर्यटन प्रवद्र्धन गर्न एक करोड बढी लगानी गरिएको छ । जिल्लाको कुम्मायक गाउँपालिका केन्द्रमा रहेका कुम्मायक–कुसायक धार्मिकस्थलको स्तरोन्नतिको लागि सो बजेट खर्च भएको हो ।

धार्मिकस्थलको भौतिक पूर्वाधार निर्माण गर्न २०७४ सालदेखि हालसम्म १ करोड २६ लाख ५० हजार रुपैयाँ लगानी भएको छ । आन्तरिक तथा वाह्य पर्यटकहरूलाई आकर्षण गर्ने उद्देश्यले दुवै धार्मिकस्थलमा पूर्वाधार निर्माण भएको हो । स्थानीय र प्रदेश सरकारले धार्मिकस्थलको संरक्षण र सम्बद्र्धन गर्दै आएको कुम्मायक–१ का वडाध्यक्ष देवेन्द्रकुमार लावतीले बताए ।

कुम्मायक धार्मिकस्थलमा यासोक, रानीगाउँ र स्याबरुम्बाबाट प्रवेश गर्ने तीनवटा बाटोमा सिँढी निर्माण गरिएको छ । मन्दिर वरिपरि रेलिङ, र मन्दिरको मर्मत सम्भार गरिएको छ । जुन संरचना तयार गर्न १ करोड ११ लाख खर्च भएको छ । त्यस्तै कुसायक धार्मिकस्थलमा पदमार्ग निर्माण, सोलिङ र रेलिङ निर्माणमा हालसम्म १५ लाख ५० हजार खर्च भएको लावतीको भनाइ छ ।

सङ्घीय संरचनाअनुसार कुम्मायक धार्मिकस्थलकै नामबाट कुम्मायक गाउँपालिका नामकरण गरिएको छ । बजारको दुवैपट्टि अग्ला टापुजस्तै रहेका धार्मिकस्थलबाट सगरमाथा, कञ्चजङ्घा र कुम्भकर्ण जस्ता विभिन्न हिमशृङ्खलाको दृश्य अवलोकन गर्न सकिन्छ । कुम्मायक–कुसायक धार्मिकस्थलमा पूजा–आजा गर्नाले मनोकामना पूरा भएकाले कुम्मायक–कुसायक आउने गरेको भारतको दार्जिलिङका दिलिपकुमार केरुङले बताए ।

बर्सेनि तीन वर्षमा लाग्ने त्रिशाली मेला र पूजा कोरोना भाइरसका कारण स्थगित भएको सुन्दा खल्लो महसुस भएको ब्लाष्टसँगको टेलिफोन संवादमा केरुङले बताए । यसअघि भारतको सिक्किम प्रदेशका मन्त्रीसहितको एक टोलीले धार्मिकस्थलको भ्रमण गरेको थियो । त्यसयता कोरोना भाइरसको जोखिमका कारण पर्यटकहरू आउन छोडेको स्थानीयले बताएका छन् । धार्मिकस्थलमा लाग्ने त्रिशाली मेला र पूजामा भुटान, बर्मा, भारत लगायत देशका विभिन्न स्थानबाट भक्तजनहरू दर्शन गर्न आउने गरेका छन् ।

गाउँपालिकाको समृद्धिको आधार पर्यटन भएकाले दुवै धार्मिकस्थलको संरचना निर्माण गाउँपालिका र प्रदेश सरकारले गर्दै आएका छन् । प्रत्येक वर्ष धार्मिकस्थलमा बजेट विनियोजन गरी पूर्वाधार निर्माण काम पनि हुँदै आएको छ ।

गाउँपालिकाले आर्थिक वर्ष २०७७/०७८ मा २० लाख र प्रदेश सरकारको २० लाख गरी ४० लाख रुपैयाँ पूर्वाधार निर्माणको लागि विनियोजन गरिएको गाउँपालिका अध्यक्ष जयबहादुर चेम्जोङले बताए । यसले कुम्मायक–कुसायक धार्मिकस्थलमा पर्यटन प्रवद्र्धन गर्ने आधार बनेको छ । धार्मिकस्थलको पूर्वाधार निर्माण र प्रचार–प्रसारको लागि गाउँपालिकाले यो वर्ष पनि उच्च प्राथमिकताको साथ काम गर्दै आएको चेम्जोङको भनाइ छ ।

झापाका २ स्थानबाट ब ...

 ब्लाष्टखबर । झापाका २ स्थानबाट लागूऔषध ब्राउनसु ...

हाेटलकाे शाैचालयमा प ...

ब्लाष्टखबर । दार्चुलामा एक हाेटलकाे शाैचालयमा प्रहरी ना ...

३ दिन पछि सुनकाे मुल ...

ब्लाष्टखबर । तीन दिन लगातार घटेकाे सुनकाे मुल्य शुक्रबा ...

प्रयोग भइसकेको ३६० क ...

बीबीसी नेपाली/ भियतनाम प्रहरीले गैरकानुनी रूपमा ठूलो पर ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved