दमक । हातमा सिप छ र त्यो सिपलाई व्यवसायीक बनाउन सक्यो भने सफलता हाँसिल गर्न कहि भौतारिनु पर्दैन । यो कुरालाई चरितार्थ गरेका छन् दमकका देवनारयण घिमिरेले ।
अरुको घरमा बसेर काम गर्दै पढेका घिमिरेले पढाईमा त खासै सफलता हाँसिल गर्न सकेनन् तर उनले सिकेको सिपले भने अहिले उदाहरणीय सफलता प्राप्त गर्न सफल भएका छन् ।
झापाको शिवसताक्षी नगरपालिका डुडामारी पुर्खौली घर हो घिमिरेको । उनी २०६० साल देखी दमक बसेका हुन । घरमा आर्थीक अवस्था कमजोर भएका कारण उनी आफन्तको घरमा आवश्यक काम गर्दै पढ्न भनेर घरबाट काँकरभिट्टा गएका थिए ।
घरमा ५ कक्षा सम्म मात्र पढ्नु भएका उहाँले त्यसमाथीका कक्षा पढ्न घरबाट सम्भव नभएपछि दिदि भिनाजुको घरमा घरायसी काम गर्दै पढ्न भनेर उनी त्यहाँ गएका हुन । तर पढाईमा खासै समय दिन नसकेपछि उनले पढाईलाई १० कक्षामै पूर्ण बिराम लगाए ।
त्यसैबेला उनले २०५५ साल तिर काँकरभिट्टामा अटो मोवाईल सम्बन्धीको मेकानिकको काम सिके । २ वर्ष सम्म बिना पैसा उनले सहयोगीको रुपमा त्यहाँ राजन कार्कीको ग्यारेजमा काम गरे । काँकरभिट्टामा काम सिकेपछि उनी विर्तामोडको अर्विनको ग्यारेजमा काम गर्न पुगे । काँकरभिट्टामा २ वर्ष बिना पैसा काम गरे पनि विर्तामोड चाहि मासिक ज्यालादरीमा काम गर्न थाले ।
जुन उनको जीवनकोा पहिलो कमाई थियो । मासिक ३ हजार रुपैँयामा उनले काम सुरु गरेका हुन । हेड मिस्त्रीको सहयोगी भएर काम गरेपछि त्यसको २ वर्ष पछि आफै हेड मिस्त्री बने । काममा ध्यान दिने र आफुभन्दा जान्नेले भनेको टेर्ने र इमान्दार भएका कारण उनी सहयोगीबाट मिस्त्री बनेका हुन । उनको पोष्ट बढेसँगै तलव पनि बढ्यो । अर्थात ३ हजार बाट बढेर मासिक ५ हजार पुग्यो ।
१ वर्ष हेड मिस्त्री भएर विर्तामोडमै काम गरेका पौडेल त्यसपछि दमकमा आएर काम गर्न सुरु गरे । २०६० सालमा दमकमा आएका उनले दमकका बिर बहादुर आंदाम्बेको गृल उद्योगमा आफै अटो मेसिन सम्बन्धीको मिस्त्री भएर काम सुरु गरे । यहाँ डिजल सम्बन्धीका सवारी साधानहरु बनाउन आउने बाट प्राप्त हुने आम्दानी उहाँको आफ्नै हुन थाल्यो ।
त्यसका लागि आवश्यक पर्ने सामान्य उपकरणहरु उहाँले आफैले जोडे । पछि त्यहि उपकरणको मद्यतले काम गर्दै जाँदा उहाँलाई अहिले करोडपति बनाइदिएको छ ।
अरुको घरमा काम गर्दै पढ्दै र सिप सिकेर त्यहि सिपले उनलार्ई सफल बनाएको छ । अहिले उनीसँग दमकमा नै पहिलो पटक २ वटा क्रेन, एउटा आफ्नै अटो ग्यारेज, एउटा ट्रिपर र अढाई तले घर पनि छ । सबै सम्पत्ती उनको सिप र मिहनतले नै प्राप्त भएको हो । त्यसैले त उनी भन्छन् सिपले मान्छेलाई सफल बनाउँछ । तर त्यसमा आफ्नो लगाव र झुकाव चाहि हुन पर्यो । निरन्तर्ता दिन सक्नु पर्यो ।
हिजो उनले मासिक ३ हजारबाट काम सुरु गरेका थिए । अहिले न्यूनमत १५ देखी ५० हजार सम्म तलव लिने ५ जना कामदार त उनीसँग छन् । अहिले उनलको मासिक कमाई न्यूनतम ३ लाख ५० हजार देखी ४ लाख सम्म हुने गरेको छ ।
त्यसैले आफुभित्र भएको सिपको पहिचान गर्न सक्ने हो र त्यसलाई व्यवसायीक रुपमा प्रयोग गर्न सक्नु पर्छ । धैर्यता र विस्वासका साथ सिपको प्रयोग गर्ने हो भने सफलता प्राप्त गर्न धेरै समय नै लाग्दैन । उनको भनाई छ ।
