कोभिड–१९ ले मस्तिष्कमा पनि असर गर्नेः वैज्ञानिक

alt तस्बिरः गुगल
  • असार २६, २०७७
  • ब्लाष्ट खबर

धरान/कोरोना भाइरस हावामार्फत् पनि सर्ने पछिल्लो तथ्य सार्वजनिक भइरहेका बेला यसको सङ्क्रमणले मस्तिष्कमा पनि समस्या ल्याउने वैज्ञानिकहरूले खुलासा गरेका छन् ।

कोरोना भाइरसको अध्ययन गरिरहेका वैज्ञानिकहरूले कोरोनाको सङ्क्रमणले मस्तिष्कसम्बन्धी अनेक समस्या ल्याउने तथ्य प्रस्तुत गरेका हुन् । हालसम्म प्राप्त तथ्यका आधारमा वैज्ञानिकहरूले नयाँ कुरा खुलासा गरेका हुन् । रोयटर्समा उल्लेख भएअनुसार युनिभर्सिटी कलेज लण्डनका वैज्ञानिकहरूले गरेको अनुसन्धानमा यस्तो तथ्य बाहिर आएको छ ।

वैज्ञानिकहरूले प्रस्तुत गरेको प्रतिवेदनमा कोरोनाका कारण मस्तिष्क रोग, पक्षाघात, नसासम्बन्धी समस्या हुने उल्लेख छ । ४३ जना सङ्क्रमितमा गरिएको अध्ययनबाट यस्तो निष्कर्ष आएको रोयटर्समा उल्लेख छ । अन्य अध्ययनमा पनि सङ्क्रमणका कारण मस्तिष्क ड्यामेज हुने देखाएको थियो ।

वैज्ञानिकहरूले ती निष्कर्षलाई पनि समावेश गरेको छ । अध्ययनमा संलग्न माइकल जाण्डीले सन् १९२० र ३० को दशकमा देखिएको हात्तीपाइले रोग होस् वा सन् १९१८ मा देखिएको इन्फ्लुएञ्जामा, यस्ता महामारीको सम्बन्ध ब्रेन ड्यामेजको घटनासँग जोडिएको उल्लेख गरेका छन् ।

शुरुवाती चरणमा कोभिड–१९ ले श्वास–प्रश्वाससम्बन्धी समस्या भएर फोक्सोमा असर गर्ने देखिएको थियो तर युनिभर्सिटी कलेज लण्डनका वैज्ञानिकहरूले गरेको अनुसन्धानको तथ्य भने हालै मात्र बाहिर आएको हो । ती वैज्ञानिकहरूले दिमागलाई असर गरेको समेत बताएका छन् । उक्त अध्ययनमा ९ जना कोभिड–१९ का बिरामीमा दुर्लभ खालको एन्सेफलोमाइलाइटिस फैलिएको अवस्थामा भेटिएको उल्लेख छ । विशेष गरी यस्ता भाइरल इन्फेक्सन बच्चाहरूमा बढी भेटिएको छ ।

अध्ययनमा संलग्न रोस प्याटर्सनले कोभिड–१९ को कारण बिरामीमा हुन सक्ने मस्तिष्कसम्बन्धी प्रभावका विषयमा चिकित्सकसमेत सचेत रहनु पर्ने उल्लेख गरे । चिकित्सकलाई त्यसबारेमा जानकारी भएमा मात्रै बिरामीको उपचार सही ढङ्गबाट हुन सक्ने उनले उल्लेख गरेका छन् ।

अध्ययनले नयाँ–नयाँ खालका समस्या देखिएकाले कोभिड–१९ बाट सतर्क रहन वैज्ञानिकहरूले आग्रह गरेका छन् । किनकि अहिलेकै अवस्थामा खोप तथा औषधि पत्ता लाग्ने अवस्था नरहेकाले पनि कोभिड–१९ बाट बच्नका लागि आग्रह गरिएको छ ।

प्रदेश १ ले पिसिआर प ...

विराटनगर / प्रदेश १ मा कोरोना परीक्षणको दायरा फराक ...

मेचीनगरका एक चिकित्स ...

भद्रपुर/ सीमा नाकासँग जोडिएको झापाको मेचीनगर नगरपालिकाम ...

बीपी प्रतिष्ठानको रज ...

धरान/बीपी कोइराला स्वास्थ्य विज्ञान प्रतिष्ठानमा हालै न ...

धरानको लकडाउन दृष्य, ...

धरान / धरानस्थित वीपी कोइराला स्वास्थ्य विज्ञान प् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved