भद्रपुरमा यथासिघ्र कोरोना उपचार अस्पताल बनाउन माग

alt
  • जेठ १६, २०७७
  • ब्लाष्ट खबर

भद्रपुर / भद्रपुरमा यथासिघ्र कोरोना उपचार अस्पताल बनाइनु पर्ने माग सरोकारवालाले अगाड िसारेका छन्  ।
कोरोना अस्पताल विवाद समितिले भद्रपुरमा आयोजना गरेको छ ।

सरोकारवाला निकायका प्रतिनिधिसँगको सर्वपक्षीय छलफलमा सहभागीहरू मेची अस्पताल सञ्चालनमा रहेको भवन जीर्ण र साँघुरो रहेको तथा निर्माणाधीन भवन निर्माणका चरणमा रहेकाले विकल्पका रूपमा रहेका भवन मध्येमा यथासिघ्र अस्पताल सञ्चालन गरिनु पर्ने माग अगाडि सारेका हुन् ।

भेलामा सहभागीहरूले भद्रपुर १० स्थित कलवलगुरी प्रशिक्षण केन्द्रको भवन, चन्द्रगढीमा रहेको खाद्य गोदाम, निर्माणाधीन गिरिजाप्रसाद स्मृति सभा गृह, वा निर्माण सम्पन्नको चरणमा पुगेको भद्रपुर नगरपालिकाको नयाँ भवन मध्ये एक स्थानमा अस्पताल सञ्चालन गरिनु पर्ने माग गरेको हो ।

भेलामा सहभागी अधिकांशले भद्रपुरको विकासमा स्थानीय बाधक भन्ने भ्रम फैलाएर केही विकास विरोधी तत्वहरूले अस्पताल निर्माण कार्य ओझेलमा पारेको प्रति आपत्ति जनाएका छन् । उनीहरूले अस्पताल बनिनु स्वागत योग्य भएको भए पनि भरपर्दो सुरक्षा सावधानी विना अस्पताल बनाउनु नहुने समेत प्रष्ट पारेका छन् ।

भेलामा सहभागी उद्योग वाणिज्य संघ झापाका अध्यक्ष नवराज पनेरू, प्रा. डा. पृथ्वीविक्रम राई, अग्रज पत्रकार गोपाल गिरी लगायतले स्थानीयमा रहेको कोरोना सङ्क्रमण त्रास अन्त्य हुने आधिकारिक विज्ञ टोलीविनाको घोषणा नआएकाले समस्या उत्पन्न भएको बताए ।

मेची अस्पताल बनाउने हतारोमा ३ तले भवन आधामै निर्माण रोकिने चिन्ताले भद्रपुरको विकासमा अवरोध आएको बताउँछन् । स्थानीय विकास विरोधी होइनन् भन्दै अस्पताल बनिनु पर्छ तर, दीर्घकालसम्म असर नगर्ने सोचले काम गर्नु पर्ने प्रष्ट्याउँछन् ।

कोरोना अस्पताल विवाद समाधान समितिका संयोजक भक्त खवासको अध्यक्षतामा सम्पन्न छलफलमा भद्रपुर नगर क्षेत्रका रहेका विभिन्न सङ्घ संस्था तथा सरोकारवाला निकायका प्रतिनिधिहरूको सहभागिता रहेको थियो ।

जिल्ला समन्वय समिति, प्रशासन र झापाका राजनीतिक दलहरूका प्रमुखको सिरफारिसमा प्रदेश सरकारले मेची अस्पतालको निर्माणाधीन भवनमा कोरोना उपचार अस्पताल र जनस्वास्थ्य कार्यालयको तालिम भवनमा पिसिआर परीक्षण गर्ने प्रयोगशाला बनाउने तयारी गरेको थियो । तर, भविष्यमा प्रत्यक्ष असर पर्ने भद्रपुरका स्थानीयबासीले अस्पतालमा प्रयोगशाला र कारोना उपचार बनाउन जोखिम हुने भन्दै आपत्ति जनाउँदै सरकारी निर्णय नसच्चिए आन्दोलनमा जाने तयारी गरिसकेका छन् ।

सिमित क्षेत्रमा खुम्चिएको अञ्चल अस्पताल आसपास रक्त सञ्चार सेवा, प्रसुती गृह, पोषण पुनस्थापन केन्द्र, जिल्ला बालकल्याण संरक्षण केन्द्र, एच आइ भी उपचार तथा पुनस्थापन केन्द्र, क्षयरोग उपचार तथा पहिचान केन्द्र र अबुद्र्ध रोग पहिचान केन्द्र जस्ता सम्वेदनशील क्षेत्र  ५० मिटर दुरी भित्रै पर्दछन् । यस्तो अवस्थामा अन्य रोगका विरामी उपचार सेवा लिन अस्पताल कसरी आउन सक्छन् ? भन्ने प्रश्न स्थानीय सरोकारवालाले जोडदार उठाएका छन् ।

अभद्र व्यहार मुद्दाम ...

उदयपुर / उदयपरमा अभद्र व्यहार मुद्दामा फरार रहेका ...

सागका पदक विजेता ८८ ...

विराटनगर / प्रदेश १ सरकारले १३ औं दक्षिण एशियाली खेलकुद ...

धरान बजार क्षेत्रको ...

धरान / कोशी राजमार्गको दुई तिर बस्ने स्थानीय बासिन्दाहर ...

मेयरका छोरासहित दुई ...

एम महतो लहान / सिराहाको कल्याणपुर नगरपालिका प ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved