सुख्खाक्षेत्रको अवरुद्ध खानेपानी योजना संचालनमा

alt
  • चैत्र २०, २०७६
  • रमेश थापा

यासोक । पाँचथरको सुख्खाक्षेत्र कुम्मायक गाउँपालिकाको अवरुद्ध तमोर लिफ्ट खानेपानी अयोजना संचालनमा आएको छ । आइतबारबाट अवरुद्ध भएको खानेपानी आयोजना आजबाट संचालनमा आएको हो ।

आयोजनाको ५ औं खानेपानी ट्याङकीको ट्रान्सर्फमर प्राविधिक समस्या देखा परेपछि ५ दिनदेखि योजना अवरुद्ध भएको थियो । देशभर कोरना भाइरस कोभिड १९ को महामारीबाट बच्न लक डाउन भएको अवस्थामा कुम्मायकवासीले खानेपानी समस्या भोग्दै आएका थिए । नियमित सरसरफाइमा ध्यान दिनुपर्ने यो अवस्थामा खानेपानीको समस्याको जनगुनासो बढ्न थालेपछि निर्माण कम्पनीले योजना संचालनमा ल्याएको हो ।

योजनामा पानी तान्न प्रयोग गरिएको १ सय ५० केभिएको ट्रान्सफमर्मरमा प्राविधिक समस्या देखा परेपछि ५ दिन देखि योजना अवरुद्ध भएको थियो । लक डाउनको कारण तत्काल ट्रान्सफमर्मर मर्मत गर्न प्राविधिक टोलि झिकाउन समस्या भएको थियो । उपभोक्ता समिति र निर्माण कम्पनीले विद्युत प्राधिकरण पाँचथरबाट एक महिनाको लागि १ सय केभिए क्षमताको ट्रान्सफर्मर ल्याएर जडान गरेसंगै योजना संचालनमा आएको संघीय खानेपानी ढल व्यवस्थापना आयोजना इलामका प्राविधिक ज्ञानु रिजालले बताए ।

उनका अनुसार डबल पंम्प चलाउँनको लागि १ सय ५० क्षमताको ट्रान्सर्फमर आवश्यक पथ्र्थो । तर अहिले एउटै पंम्पले पनि पानीको माग पूत्र्ति गर्ने भएकाले १ सय केभिएको ट्रान्सर्फमर तत्कालको लागि जडान गरी खानेपानी संचालनमा ल्याईएको हो रिजालले भने । उक्त टयाङ्कीबाट गाउँपालिकाको ५ वटा ट्याङकीमा खानेपानी खपत हुदै आएको थियो । ५ वटा खानेपानी ट्याङ्कीबाट गाउँपालिकाका कुल जनसंख्याको ७० प्रतिशत नागरिकले खानेपानी उपभोग गर्दै आएका छन ।

कोरना भाइरसबाट बच्नको लागि सरसफाइसंगै जोडिएको पानीको प्रयोगबाट नागरिकलाई बञ्चित नपार्ने गरी तत्काललाई समस्या समस्या समाधान गरिएको उपभोक्ता समितिले जनाएको छ ।

झापामा राजतन्त्रवाद ...

बिर्तामोड । राजसंस्था पुस्र्थापनाको माग गर्दै शनिबार झा ...

अपाङ्ग दिवसको अवसरमा ...

धनकुटा । २९ औं अपाङ्ग दिवसको अवसरमा विहिवार धनकुटामा वि ...

ओली र दाहालको प्रस्त ...

धरान । नेकपाका अध्यक्षद्धय केपी शर्मा ओली र पुष्पकमल दा ...

प्रदेश १ मा १६८ डिस् ...

धरान । पछिल्लो २४ घण्टामा प्रदेश १ मा १६८ जना डिस्चार्ज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved