बुढासुब्बा गाेल्डकपमा आज बेलबारी फुटबल र मनाङ मर्स्याङ्ग्दी, यस्ता छन् टिम

alt
  • फाल्गुन १२, २०७६
  • ब्लाष्ट खबर

ब्लाष्टखबर । २२ औं  बुढासुब्बा गाेल्डकपकाे आज हुने खेलमा बेलबारी फुटबल क्लब र  मनाङ मर्स्याङ्ग्दी क्लब रहेका छन् । मुख्यमन्त्री कप प्रदेश लिगको उपविजेता बेलबारी र सम्पन्न सहिद स्मारक ए डिभिजन लिगमा तेस्रो भएको टोली मनाङ मर्स्याङ्ग्दी बिच हुने  ३ बजे धरान १६ मा रहेकाे रंगशालामा खेल हुदैछ । 

बेलबारी फुटबल

क्लब बूढासुब्बा गोल्डकपमा पहिलो पटक सहभागी बनिरहेको बेलबारी फुटबल क्लबले यसै वर्षबाट ठूला प्रतियोगितामा सहभागिता जनाउन थालेको छ । २०७० सालमा स्थापित क्लबले प्रदेश १ कपको उपविजेता बनेसँगै ठूला प्रतियोगिताले सहभागी गराउन थालेको छ । छोटो समयमै क्लब मोरङको जिल्ला स्तरीय प्रतियोगितामा तीन पटक च्याम्पियन बनिसकेको छ ।

२०७२/७३, २०७३/७४ र २०७५/७६ को मोरङ च्याम्पियन बनेको बेलबारीले यसपटक तीन ठूला गोल्डकपमा आफ्नो सहभागिता जनाए पनि उत्कृष्ट प्रदर्शन भने गर्न सकेको छैन । बूढासुब्बामा ४–३–३ को फर्मेसनमा मैदानमा उत्रिन लागेको क्लबसँग पूर्व राष्ट्रिय खेलाडीदेखि युवा खेलाडीहरूसमेत सम्मिलित छन् ।

पूर्व राष्ट्रिय खेलाडीमा नवीन गुरुङ, बिक्रम धिमाल, ए डिभिजन क्लबका भुषण सुब्बा, एनस मगर छन् । त्यस्तै गोलरक्षकमा अजित प्रजापति छन् । बेलबारीका लागि मिडफिल्ड विवेक पौडेल, विनोद अधिकारी, किरण लिम्बू, मौसम सुब्बा छन् । ‘यि खेलाडीहरू नै हाम्रो टिमका चल्न सक्ने खेलाडीहरू हुन्’–क्लबका महासचिव शङ्कर सुवेदी भन्छन् ।

मनाङ मर्स्याङ्ग्दी

तीन पटक बूढासुब्बा गोल्डकप विजेता मनाङ मस्र्याङ्ग्दी क्लब चिरपरिचित क्लब हो । यस पटकको लिगमा तेस्रो बनेको मनाङ गत वर्षको लिग लिडर हो ।

लिग समापन लगत्तै झापाको शिवसताक्षी नगरपालिकामा सम्पन्न सताक्षी गोल्डकपमा आयोजकसँग पराजित भएर बूढासुब्बामा उपस्थिति जनाउँदै छ । राष्ट्रिय खेलाडीले भरिभराउ रहेको मनाङमा फरवार्ड लाइनमा विमल राना, अभिषेक रिजाल, रञ्जन विष्ट छन् । त्यस्तै मिडफिल्डमा दयानन्दसिंह, पुजन उपरकोटी, अञ्जन विष्ट, निशान लिम्बू, उमेश राई, जीवन गुरुङ छन् ।

डिफेन्सलाइनमा कमल श्रेष्ठ, सुरज विक, सोरोन, एकराज बुढाथोकी, लुइस भिडाल, राजकुमार पण्डित अदित्य चौधरीजस्ता खेलाडीहरू रहेका छन् । त्यस्तै गोलरक्षकः दीप कार्की मुख्य हुन् भने अशोक बराल सहायक हुन् । तीन जना विदेशी खेलाडीसहित मैदानमा उत्रिन लागेको मनाङ सन् १९८२ मा स्थापित क्लब रहेको व्यवस्थापक मिलन गुरुङ बताउँछन् । मनाङमा २०७४ भदौमा डेब्यु गरेका अञ्जन विष्ट नै क्लबका लागि भरपर्दा खेलाडीमध्ये एक हुन् । गत वर्षको लिगमा ५ गोल र यसपटकको लिगमा ६ गोल गरिसकेका उनले राष्ट्रिय टिमबाट भने २ गोल गरेका छन् ।

लकडाउनमा काङ्ग्रेसको ...

धरान / कोरोना भाइरसको जोखिमबाट बच्न सरकारले लकडाउन ...

लकडाउनमा ब्राउन सुगर ...

मोरङ/मुलुक लकडाउन भइ ...

गायक डिल्ली फोम्बोको ...

धरान । गायक डिल्ली फोम्बोको नयाँ गीतको भिडियो रिलिज भएक ...

केकीको धमाकेदार प्रस ...

धरान । माया पुन मगरको नयाँ गीत ‘नेपालकी छोरी&rsqu ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved