Trending Tags

कोशीमा कुस्ती

alt तस्बिर : गुगल
  • माघ २५, २०७६
  • ब्लाष्ट खबर

इनरुवा ।  सुनसरीको कोशी गाउँपालिकामा बीपी स्मृति राष्ट्रिय कुस्ती प्रतियोगिता शुरु भएको छ ।
कोशी गाउँपालिकाले आयोजना गरेको कोशी महोत्सव स्थलमा सृष्टि समाज समेतको संयुक्त आयोजनामा दोस्रो संस्करणको राष्ट्रिय कुस्ती प्रतियोगिता सञ्चालनमा ल्याइएको हो । प्रतियोगिता अन्तर्गत शुक्रबार समूह चरणका खेलहरू सम्पन्न भएका छन् ।

समूह चरणका खेलमा अधिकांशजसो राष्ट्रिय खेलाडीहरूले जित हात पारेका छन् । अघिल्लो चरण प्रवेश गर्नेमा १३ औं सागका पदक विजेता र राष्ट्रिय स्तरका खेलाडीहरू रहेका छन् । प्रतियोगिता महिला र पुरुष दुई भिन्ना भिन्नै समूहमा आयोजना गरिएको छ । महिलातर्फ ५५, ६५ र ७२ केजी समूहमा प्रतिस्पर्धा गराइएको छ । त्यसैगरी पुरुषतर्फ ७०, ८६ र १२५ केजी समूहका खेल खेलाइएको छ । जारी प्रतियोगितामा विभिन्न तौल समूहका ३६ खेलाडीले सहभागिता जनाएका छन् ।

प्रतियोगितामा ४ र ६ नम्बर बाहेकका प्रदेश र दुई विभागीय टोली नेपाल पुलिस र आर्मीले सहभागिता जनाएका छन् । प्रतियोगिता अन्तर्गत फाइनल चरणका खेलहरू शनिबार खेलाइनेछन् । प्रतियोगिताका विजेता तौल समूहका खेलाडीहरूलाई नगद र शिल्ड तथा प्रमाणपत्र सहित पुरस्कृत गरिने गाउँपालिका अध्यक्ष ऐयुब अन्सारीले बताए ।

१९ गतेबाट सञ्चालन गरिएको महोत्सव माघ २९ गते सम्म चल्ने छ । महोत्सवमा कुस्तीका अलावा भलिबल प्रतियोगिता समेत आयोजना गरिएको छ । महोत्सवमा आन्तरिक तथा बाह्य पर्यटक भिœयाउने उद्देश्यसाथ आयोजकले हात्ती सफारीका साथै अर्ना र चरा अवलोकन सहित सप्तकोशी नदीमा बोटिङको व्यवस्था मिलाएको छ । कुस्ती प्रतियोगिताको पूर्व अर्थमन्त्री ज्ञानेन्द्र कार्कीले उद्घाटन गरेका थिए ।

विदेशबाट आएका व्यक् ...

भद्रपुर । वैदेशिक रोजगारबाट घर फर्किएका एक व्यक्तिको घर ...

श्रीमती जिस्क्याएको ...

इनरुवा । श्रीमती जिस्क्याएको निहुँमा इनरुवामा एक पुरुषल ...

नाबालिका बलात्कार गर ...

धरान । इटहरीमा नाबालिका बलात्कृत भएकी छन् । इटहरी&ndas ...

आशा राईलाई सहयोग जु ...

विजयपुर । सरकारले गरेको लकडाउनका कारण दैनिक जीविकोपार्ज ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved