विश्वआदर्शमा जुनियर फुटबल प्रतियोगिता शुरु

alt
  • माघ २०, २०७६
  • ब्लाष्ट खबर

सुनसरी/ विश्वआदर्श एकेडेमीको आयोजनामा आइतबारदेखि जुनियर फुटबल प्रतियोगिता शुरु भएको छ । विद्यालय प्राङ्गणमा आयोजना गरिएको प्रतियोगितामा १२ वटा विद्यालयको सहभागिता रहेको आयोजकले जनाएको छ ।

आइतबार भएको उद्घाटन खेलमा आयोजक विश्वआदर्श स्कुल र ज्ञानदर्पण एकेडेमी विजयी भएका छन् । पहिलो खेलमा विश्वआदर्शले बिकेजी स्कुललाई ५–० गोलले पराजित गरेको हो । विश्व आदर्शको लागि कप्तान अर्पित राईले खेलको ११, १९ र ३८ औं मिनेट गोल गरी ह्याट्रिक पूरा गरे । थप गोल सौरव कार्की र प्रमोद भट्टराईले गरेका थिए । प्रतियोगिताको पहिलो ह्याट्रिक गरेका कप्तान अर्पित राई म्यान अफ द म्याच घोषित भए ।

यसै गरी दोस्रो खेलमा ज्ञानदर्पण एकेडेमीले पूर्वाञ्चल स्कुललाई २–० गोलको अन्तरले विजयी यात्रा शूरु गरेको आयोजकले जनाएको छ । खेलको ९ औं मिनेटमा प्राञ्जल घोर्सानले गोल गरी ज्ञानदर्पणका लागि अग्रता दिलाएका थिए भने दोस्रो गोल उनैले खेलको २९ औं मिनेटमा गरेका थिए । खेलको म्यान अफ द म्याच कप्तान फेनचेज राई घोषित भएको आयोजकले जनाएको छ । प्रतियोगिताको विजेता टिमले नगद १० हजार तथा उपविजेताले ५हजार रुपैयाँसहित ट्रफी, मेडल र प्रमाणपत्र गर्नेछन् । कक्षा ५ सम्मका छात्रहरू प्रतियोगितामा सहभागी रहेका छन् ।

माघ २४ गतेसम्म प्रतियोगिता सञ्चालन हुने आयोजकले जनाएको छ । विद्यालयले खेल सप्ताह अन्तर्गत तेक्वान्दो, एथलेटिक्स बास्केटबल, ब्याडमिण्टन, टेबलटेनिस र योगा, नृत्यलगायतको प्रतियोगिता आयोजना गरेको जनाएको छ । प्रतियोगिताको उद्घाटन नेपाल फुटबल सङ्घका केन्द्रीय मानार्थ उपाध्यक्ष तथा प्रदेश एक फुटबल सङ्घका अध्यक्ष किशोर राईले गरेका थिए ।

एकेडेमीका अध्यक्ष लेखनाथ घिमिरेको अध्यक्षतामा उद्घाटन कार्यक्रम भएको थियो । विद्यार्थीहरूको शारीरिक, मानसिक, संवेगात्मक विकास, प्रतिस्पर्धात्मक भावनाको विकास गराउनुका साथै अनुशासित र मर्यादित जीवनशैलीलाई अपनाउन सिकाउने उद्देश्यसहित प्रतियोगिता आयोजना गरिएको विश्वआदर्श एकेडेमी प्रिन्सिपल गणेश दुलालले बताए ।

प्रदेश १ मा १०५ जना ...

धरान  / प्रदेश १ मा ३ हजार ३१ जना क्वारेनइनमा ...

कोरोनाभाइरसः विश्वका ...

एजेन्सी /  जोन्स हप्किन्स यूनिभर्सिटीले सङ्कलन गरे ...

कोरोनाले अमेरिकामा ...

धरान । कोरोनाभाइरसको कारण अमेरिकामा थप एक नेपालीले ज्या ...

कोभिड १९ को राजनीति ...

धरान / विश्व स्थास्थ्य संगठनले कोभिड १९ का विषयमा अमेरि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved