‘सिद्धबाबा’ बारे राम्रो अनुसन्धान होस्

alt
  • मंसिर १८, २०७६
  • १२३ पटक पढिएको
  • ब्लाष्ट खबर

कृष्णबहादुर गिरीबाट ‘कृष्णदास’ हुँदै ‘सिद्धबाबा’ भनेर चिनिने धार्मिक गुरु आफ्नै अनुयायीमाथि बलात्कार गरेको अभियोगमा पक्राउ परेपछि उनका पक्ष र विपक्षमा बीच विभिन्न तर्क वितर्क भइरहेका छन् । उनको पक्षमा रहेका अनुयायीहरू ‘गुरुलाई फसाइएको’ दाबी गरिरहेका छन् । उनीहरू अभियोग लगाउने महिलाले पठाएको भनिएका म्यासेजहरू सार्वजनिक गरिरहेका छन् भने उनीसँग असन्तुष्टहरू कृष्णदासका विरुद्धमा सक्रिय छन् ।

उनका पक्ष र विपक्षका तर्क वितर्क चलिरहेकै बेला कृष्णदास र पीडित भनिएकी महिलाबीच भएको भनिएको फोन रेकर्ड सार्वजनिक भयो । जसमा कृष्णदासले गल्ती स्विकार गरेका छन् । फोन रेकर्ड सार्वजनिक भएपछि उनी प्रतिको आशङ्का झनै बढ्यो । तर, उनको पक्षले अहिले पनि त्यो रेकर्ड नै नक्कली भएको दाबी गरिरहेका छन् । आफू पक्राउ पर्ने निश्चित भएपछि उनी हतार हतार अस्पताल भर्ना भएका थिए । अस्पतालबाटै पक्राउ परेका उनी स्वास्थ्यकै कारण देखाउँदै अस्पतालमै बसेका छन् । उनीमाथि राम्रो अनुसन्धान हुन आवश्यक छ । कृष्णबहादुर गिरी यसअघि पनि विभिन्न विवादमा आइरहेका व्यक्ति हुन् । सुनसरी मोरङ सिंचाई आयोजनाको जग्गा अतिक्रमण गरेर अपार्टमेन्ट बनाई महँगोमा बिक्री गरिरहेका उनी पहुँचकै भरमा कारबाहीबाट जोगिंदै आएका छन् । त्यसो त उनले दोहोरो नागरिकता लिएको प्रमाण पटक पटक सार्वजनिक भए पनि उनीमाथि कारबाही भएको छैन । सोलुखुम्बुमा आठ कक्षा फेल भएपछि भारत पसेका उनी पछिल्लो समय आफूलाई आयुर्वेदमा पिएचडी गरेको दाबी गर्दै आएका छन् । उनका यी विवादित विषयमाथि पनि छानबिन अघि बढ्नुपर्छ ।

महिलाले दिएको उजुरीमाथि शुरुमा कारबाही नगरेको सुनसरी प्रहरीले सामाजिक दबावपछि उनलाई पक्राउ त गरेको छ । तर, उनीमाथि कारबाही अघि बढाउन अझै आनाकानी गरेको देखिन्छ । प्रहरी प्रशासनदेखि राजनीतिकको माथिल्लो तहसम्म राम्रो पहुँच बनाएका कृष्णदासलाई कारबाही गर्न दबाव अवश्य होला । तर, यस्ता दबावको सामना गर्न डराउनु हुन्न । उनी माथि निष्पक्ष भएर छानबिन हुनुपर्छ । यदि उनका अन्य अनुयायीले भने झैं उनी निर्दोष हुन् र कसैले षड्यन्त्र गरेको हो भने त्यसतर्फ पनि छानबिन गर्न सकिन्छ । अघिल्लो घटनाक्रम र उनी नजिक भएर काम गरेका व्यक्तिहरूको दाबी सुन्दा उनी पहिलादेखि गलत धन्दामा रहेको बुझ्न सकिन्छ । उनका अनुयायीहरूले पनि अन्धभक्त बनेर होइन पटक पटक विवादमा परिसकेपछि उनलाई किन यस्ता आरोप लागिरहेका छन् भनेर सतर्क बन्नु आवश्यक छ ।

मौलवीमाथि यौन दुव्र् ...

विराटनगर/ मुस्लिम धर्मग्रन्थ पढाइ हुने विराटनगरको मदरसा ...

धरानमा व्यवसायिक अल् ...

प्रदेश १ को सबैभन्दा धेरै पर्यटकीय प्याकेज भएको शहर ह ...

बलात्कारीको हकमा प्र ...

विभिन्न सङ्घ–संस्था तथा महिला अधिकारकर्मीहरूले मह ...

आजकाे राशीफल, माघ १० ...

श्री शालिवाहनीय शाके १९४१, ने. सं. ११४०, वि. सं. २०७६ स ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved